ସୁରମା ପାଢୀ ହେବେ ବାଚସ୍ପତି
ଭୁବନେଶ୍ୱର: ସୁରମା ପାଢୀ ହେବେ ବାଚସ୍ପତି। ରଣପୁର ବିଧାୟକ ହେଉଛନ୍ତି ସୁରମା ପାଢୀ। ସେହିପରି ଆଜିଠୁ ଆରମ୍ଭ ହୋଇଛି ମୋହନ ଯୁଗ। ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ମୋହନ ମାଝୀ। ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି ରାଜ୍ୟପାଳ ରଘୁବର ଦାସ। ରାଜ୍ୟର ୧୫ତମ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ବିଜେପି ବିଧାୟକ ଦଳର ନେତା ମୋହନ ମାଝୀ । ବିଜେପି ସରକାରରେ ଆଜିଠାରୁ ମୋହନ ମାଝୀଙ୍କୁ ନୂଆ ମୁଖ୍ୟମନ୍ତ୍ରୀ ଭାବରେ ପାଇଛି ସାରା ଓଡ଼ିଶା । ତେବେ ମୋହନ ମାଝୀଙ୍କ କ୍ୟାବିନେଟରେ ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡାଙ୍କୁ ଛାଡିଦେଲେ, ଅନ୍ୟ କୌଣସି ମହିଳା ଚେହେରାଙ୍କୁ ସ୍ଥାନ ମିଳିନି । ତେଣୁ ସୁରମା ପାଢୀଙ୍କୁ ଦଳ ବାଚସ୍ପତି ଆସନରେ ବସାଇପାରେ ବୋଲି ଚର୍ଚ୍ଚା ହେଉଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ ଏବଂ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ରାଜ୍ୟର ଅନ୍ୟ ନେତା-ମନ୍ତ୍ରୀଙ୍କ ଉପସ୍ଥିତିରେ ଶପଥପାଠ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ଭୁବନେଶ୍ୱରର ଜନତା ମଇଦାନରେ ହଜାର ହଜାର ସମର୍ଥକ ଏବଂ ଜନତାଙ୍କ ଭିଡ଼ ଭିତରେ ମୋହନ ମାଝୀ ରାଜ୍ୟର ନୂଆ ମୁଖ୍ୟମନ୍ତ୍ରୀ ଭାବରେ ଶପଥପାଠ କରିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
