ଶୁଭମିତ୍ରା ହତ୍ୟାକୁ ନେଇ ଗୃହରେ ତମ୍ଭି ତୋଫାନ ବେଳେ ଆଇନମନ୍ତ୍ରୀ କଲେ ଚାଞ୍ଚଲ୍ୟକର ଖୁଲାସା । ୨୦୨୨ରେ ବୀମା ଟଙ୍କା ପାଇଁ ପ୍ରଥମ ପତ୍ନୀ ଅପର୍ଣ୍ଣାଙ୍କୁ ହତ୍ୟା କରିଥିଲା ଦୀପକ, ବିଜେଡି ସରକାରରେ କିଏ ଦେଇଥିଲା ସୁରକ୍ଷା । ବିଜେପି ବିଧାୟକଙ୍କ ପ୍ରଶ୍ନ, କେଉଁ ଯାଜପୁର ବିଜେଡି ନେତାଙ୍କ ସୁରକ୍ଷାରେ ଥିଲେ ଦୀପକ ।

ମହିଳା ଟ୍ରାଫିକ କାନଷ୍ଟେବଳ ଶୁଭମିତ୍ରା ସାହୁ ହତ୍ୟା ମାମଲାରେ ବଡ଼ ଖୁଲାସା । 2022 ମସିହାରେ ବୀମା ଟଙ୍କା ହଡ଼ପ କରିବାକୁ ପ୍ରଥମ ପତ୍ନୀ ଅପର୍ଣ୍ଣାଙ୍କୁ ହତ୍ୟାକୁ କରିଥିଲା ଅଭିଯୁକ୍ତ ଦୀପକ ରାଉତ । ତଦନ୍ତ ସମୟରେ ଟ୍ରକ୍ ଧକ୍କାରେ ଅପର୍ଣ୍ଣାଙ୍କ ମୃତ୍ୟୁ ହୋଇଥିବା ଜଣାପଡ଼ିଥିଲା । କିନ୍ତୁ ଦୁର୍ଘଟଣା ଘଟାଇଥିବା ଟ୍ରକଟି ଘଟଣା ଦିନ ଥିଲା ରାଉରକେଲାରେ । ଅପର୍ଣ୍ଣା ମୃତ୍ୟୁ ମାମଲାକୁ ପୋଲିସ ହତ୍ୟା ମାମଲା ଭାବେ ରି-ଓପନ କରି ତଦନ୍ତ ଚଳାଇଥିବା ବେଳେ ବିଧାନସଭାରେ ଏହି ତଥ୍ୟ ରଖି ବଡ଼ ଖିୁଲାସା କରିଛନ୍ତି ଆଇନ ମନ୍ତ୍ରୀ ।

ଏହାସହ ପଢ଼ନ୍ତୁ: ୯୯.୯୯ ପରସେଣ୍ଟାଇଲ ରଖିଥିଲେ, ତଥାପି ପରିବାର ଲୋକଙ୍କ ଚାପ ଆଗରେ ହାର ମାନିଲେ ଛାତ୍ର

ବିଧାନସଭାରେ ଆଜି "ମହିଳା ଟ୍ରାଫିକ୍ କନେଷ୍ଟବଳ ଶୁଭମିତ୍ରାଙ୍କୁ ହତ୍ୟା, ଅପରାଧ ରାଜଧାନୀରେ, ଶବ ଜବତ ହେଲା ଘଟଗାଁରେ" ଶୀର୍ଷକରେ ହୋଇଥିଲା ସରଗରମ ଆଲୋଚନା । ଏତିକି ବେଳେ ଆଇନ ମନ୍ତ୍ରୀ କହିଛନ୍ତି ବିଜେପି ସରକାର ମହିଳାଙ୍କ ବିରୋଧରେ ହେଉଥିବା ଅପରାଧ କ୍ଷେତ୍ରରେ ଶୂନ୍ୟ ସହନଶୀଳତା ଦେଖାଇଛି । ପୋଲିସ ମାତ୍ର ୧୦ ଦିନରେ ମୁଖ୍ୟ ଅଭିଯୁକ୍ତ ଦୀପକ ରାଉତଙ୍କ ସହ ଦୁଇ ସହଯୋଗୀଙ୍କୁ ଗିରଫ କରିଛି । ତେବେ ଦୀପକଙ୍କ ପ୍ରଥମ ପତ୍ନୀ ଅପର୍ଣ୍ଣା ମୃତ୍ୟୁ ମାମଲାକୁ ଦୁର୍ଘଟଣା ଜନିତ ମୃତ୍ୟୁ କହି ଫାଇଲ ବନ୍ଦ ହେବାକୁ ନେଇ ପୂର୍ବ ସରକାରଙ୍କୁ ଟାର୍ଗେଟ କରିଛନ୍ତି ଆଇନ ମନ୍ତ୍ରୀ ।

ସେପଟେ ମୂଲତବି ପ୍ରସ୍ତାବ ବେଳେ ଶୁଭସ୍ମିତାଙ୍କ ହତ୍ୟାକୁ ନେଇ ମୁଁହାମୁଁହି ହୋଇଥିଲେ ଶାସକ ବିରୋଧୀ । ନିଖୋଜ ହେବାର ୧୧ ଦିନ ପରେ ଘଟଗାଁରୁ ଶୁଭମିତ୍ରା ଶବ ମାଟି ତଳୁ ମିଳିବା, ହତ୍ୟାକାରୀ ଜଣେ ପୋଲିସ କର୍ମଚାରୀ ହେବା ଓ ପୋଲିସ ପାର୍କିଂରେ କାର ଭିତରେ ଶବ ଥାଇ ବି ପୋଲିସ ଜାଣି ନପାରିବାକୁ ନେଇ ସରକାରଙ୍କୁ ଟାର୍ଗେଟ କରିଥିଲେ ବିଜେଡି ବିଧାୟକ ।

ଏହାସହ ପଢ଼ନ୍ତୁ: ଜବରଦସ୍ତ ଝଟ୍‌କା ! ଭାରତୀୟ ନିୟମ ମାନିବାକୁ ବାଧ୍ୟ...

ତେବେ ୧୬ ବର୍ଷ ଧରି ବିନା ବଦଳିରେ ଅଭିଯୁକ୍ତ ଦୀପକ କିପରି ଗୋଟିଏ ସ୍ଥାନରେ ଥିଲା, କୋଉ ଗଳାବାଟ ଦେଇ 2009 ରେ କନେଷ୍ଟବଳ ଚାକିରି କରିଥିଲା ଓ କେଉଁ ଯାଜପୁର ବିଜେଡି ନେତାଙ୍କ ଛତ୍ର ଛାୟା ତଳେ ଥିଲେ ବୋଲି ପଚାରିଥିଲେ ବିଜେପି ବିଧାୟକ ସନ୍ତୋଷ ଖଟୁଆ ।

ସେପଟେ ଦୀପକ କେମିତି ନିଜ ପ୍ରଥମ ପତ୍ନୀ ଅପର୍ଣ୍ଣାଙ୍କ କୋଟିଏ ଟଙ୍କା ବୀମା ରାଶି ହଡ଼ପ କରିଥିଲା ଓ ପିଏଫ ଓ ପେନସନ ଟଙ୍କା ହଡ଼ପ ପୂର୍ବରୁ ଧରାପଡ଼ିଥିଲା ତାର ଖୁଲାସା କରିଛନ୍ତି ଅପର୍ଣାଙ୍କ ଭଉଣୀ ।

ବିଧାନସଭା ଆରମ୍ଭରୁ ନାରୀ ସୁରକ୍ଷା ପ୍ରସଙ୍ଗ ଉଠାଇ ପ୍ରଶ୍ନ କାଳ ଅଧାରୁ ଅଚଳ କରିଥିଲା କଂଗ୍ରେସ । ପରେ ଶୂନ୍ୟ କାଳରେ ଶୁଭମିତ୍ରା ହତ୍ୟା ମାମଲା ଉଠାଇ ଥିଲେ କଂଗ୍ରେସ ବିଧାୟିକା ସୋଫିଆ ଫିର୍ଦୋଷ । ତେବେ ମୂଳତବି ଆଲୋଚନା ଶୁଭମିତ୍ରା ହତ୍ୟା ମାମଲାରେ ବିଧାନସଭାରେ ଆଇନ ମନ୍ତ୍ରୀଙ୍କ ଖୁଲାସା ଏବେ ମାମଲାକୁ ନୂଆ ମୋଡ଼ ଦେଇଛି ।