ସିମୁଳିଆ ବିଡିଓଙ୍କ ମୃତ୍ୟୁ ନେଇ ବଢ଼ିବାରେ ଲାଗିଛି ସସପେନ୍ସ, ଉଚ୍ଚସ୍ତରୀୟ ତଦନ୍ତ ଦାବି
ଅର୍ଗସ ବ୍ୟୁରୋ: ବାଲେଶ୍ୱର ଜିଲ୍ଲା ସିମୁଳିଆ ବିଡିଓଙ୍କ ମୃତ୍ୟୁ ନେଇ ବଢ଼ିବାରେ ଲାଗିଛି ସସପେନ୍ସ। କାମର ଚାପ ନା ପଲିଟିକାଲ୍ ପ୍ରେସର । ମୃତ ବିଶ୍ୱରଞ୍ଜନଙ୍କ ଉପରେ ଚାପ ଥିବା ପରିବାର ଲୋକେ ଅଭିଯୋଗ ଆଣୁଥିବା ବେଳେ ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି। ସେପଟେ ସ୍ଥାନୀୟ ବିଜେପି କହିଛି ରାଜନୈତିକ ଚାପରେ ଥିଲେ ବିଡିଓ। ଏ ମାମଲାରେ ଜିପିଓ ମୃତ୍ୟୁଞ୍ଜୟ ନାୟକଙ୍କ ଉପରକୁ ଉଠିଛି ଆଙ୍ଗୁଳି, ଯିଏ କି ସ୍ଥାନୀୟ ବିଜେଡି ବିଧାୟକଙ୍କ ଖାସ୍।
ପ୍ରେସମିଟ କରି ସାଂଘାତିକ ଅଭିଯୋଗ ଆଣିଛି ବିଜେପି । ଶାସକ ଦଳର ସ୍ଥାନୀୟ ବିଧାୟକଙ୍କ ଚାପରେ ବିଡିଓ ଆତ୍ମହତ୍ୟା କରିଥିବା କହିଛନ୍ତି ସିମୁଳିଆର ବରିଷ୍ଠ ବିଜେପି ନେତା ପଦ୍ମଲୋଚନ ପଣ୍ଡା । ଆତ୍ମହତ୍ୟା ପଛରେ ସିମୁଳିଆ ବ୍ଲକ ଜିପିଓ ମୃତ୍ୟୁଞ୍ଜୟ ନାୟକଙ୍କ ସମୃକ୍ତି ଥିବା ଅଭିଯୋଗ ହୋଇଛି । ଜିପିଓଙ୍କୁ ତଦନ୍ତ ପରିସରଭୁକ୍ତ କରିବାକୁ ଦାବି କରିଛନ୍ତି ସିମୁଳିଆ ବ୍ଲକ ଅଧ୍ୟକ୍ଷ ବାବାଜୀ ମଲ୍ଲିକ । ଏହାସହ ଘଟଣାର ଉଚ୍ଚ ସ୍ତରୀୟ ତଦନ୍ତ ପାଇଁ ଦାବି ହୋଇଛି ।
ଅଧିକ ପଢ଼ନ୍ତୁ ଓଡିଶା ଖବର:
