ଅର୍ଗସ ବ୍ୟୁରୋ: ନାହିଁ ନାହିଁର ଗାଁ ତଗାପକାଲି । ଗାଁ ପାଇଁ ସରକାରୀ ଯୋଜନା ସାତ ସପନ। ଥରେ ଦେଖନ୍ତୁ ରାଜ୍ୟ ସରକାରଙ୍କ ବିକାଶର ବାସ୍ତବ ଚିତ୍ର। ଏ ହେଉଛି ବାଲିଗୁଡ଼ା ବ୍ଲକ ଅନ୍ତର୍ଗତ ପରମପାଙ୍ଗା ପଞ୍ଚାୟତର ତଗାପକାଲି ଗାଁ  । ଆଜିବି ସଧ୍ୟା ନଇଁଲେ ଅନ୍ଧାର ଭିତରେ ଚାଲିଯାଏ ପୁରା ଗାଁ । ଗାଁକୁ ରାସ୍ତା, ପାନୀୟ ଜଳ ଓ ବିଦ୍ୟୁତ ସଂଯୋଗ ଭଳି ମୌଳିକ ସୁବିଧା ଆଜିବି ଅପହଞ୍ଚ। ରାସ୍ତା ନଥିବାରୁ ସ୍ଥାନୀୟବାସୀ ଖାଲ ଢିପ ଜାଗାରେ ମାଟି ପକାଇ ଯିବା ଆସିବା କରୁଛନ୍ତି।

ଏଯାଏଁ ଗାଁରେ ପହଞ୍ଚି ପାରିନି ବସୁଧା ଯୋଜନା। ଗାଁରେ ଗୋଟିଏ ବି ସରକାରୀ ନଳକୂଅ ନାହିଁ । ଫଳରେ ଲୋକେ ଚୁଆ ଉପରେ ନିର୍ଭର କରି ଚଳୁଛନ୍ତି ।  ଖାଲି ସେତିକି ନୁହେଁ ଅଙ୍ଗନୱାଡ଼ି କି ପ୍ରାଥମିକ ବିଦ୍ୟାଳୟ ନାହିଁ। ଫଳରେ ସ୍ଥାନୀୟ ଶିଶୁ ପାଠପଢାରୁ ବିଚ୍ୟୁତ ହେଉଛନ୍ତି। ଏ ସମସ୍ୟା ନେଇ ବାଲିଗୁଡ଼ା ବିଡ଼ିଓଙ୍କ ସହ ଆଲୋଚନା କରିବାରୁ ସେ ଶିଘ୍ର ସମସ୍ୟାର ସମାଧାନ କରାଯିବ ବୋଲି ପ୍ରତିଶୃତି ଦେଇଛନ୍ତି। ଦୁର୍ଗମରେ ସରକାରୀ ଯୋଜନା ସାତ ସପନ ଏହାର ପ୍ରମାଣ ତଗାପକାଲି ।

ଅଧିକ ପଢ଼ନ୍ତୁ ଓଡିଶା ଖବର: