ଅର୍ଗସ ବ୍ୟୁରୋ: ସପ୍ତଦଶ ବିଧାନସଭାର ପ୍ରୋ-ଟମ ବା କାମଚଳା ବାଚସ୍ପତି ଭାବେ ଶପଥ ନେଇଛନ୍ତି ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ । ରାଜ୍ୟପାଳ ରଘୁବର ଦାସ ତାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି । ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଉପସ୍ଥିତିରେ କାମଚଳା ବାଚସ୍ପତି ଭାବେ ଶପଥ ନେଇଛନ୍ତି ରଣେନ୍ଦ୍ର । 
ନବ ନିର୍ବାଚିତ ବିଧାୟକ ମାନଙ୍କୁ ଶପଥ ପାଠ କରାଇବେ ପ୍ରୋ-ଟମ ସ୍ପିକର ବା କାମଚଳା ବାଚସ୍ପତି ରଣେନ୍ଦ୍ର ପ୍ରତାପ ସ୍ୱାଇଁ । ଆସନ୍ତା ୧୮ ଓ ୧୯ ରେ ବିଧାନସଭାରେ ପଦ ଓ ଗୋପନୀୟତାର ଶପଥ ନେବେ ସମସ୍ତ ନବ ନିର୍ବାଚିତ ବିଧାୟକ । ସେହିପରି ୨୦ ରେ ହେବ ବାଚସ୍ପତି ନିର୍ବାଚନ । ସପ୍ତଦଶ ବିଧାନସଭାର ନୂଆ ବାଚସ୍ପତି ତାଙ୍କ ଦାୟିତ୍ୱ ନେବେ । 

ବାଚସ୍ପତି ନିର୍ବାଚନ ପରେ ଚଳିତ ମାସ ଶେଷ ଆଡ଼କୁ ବସିବ ବିଧାନସଭା । ଏଥିପାଇଁ ଗତକାଲି ସଂସଦୀୟ ବ୍ୟାପାର ସଚିବ ଏବଂ ବିଧାନସଭା ସଚିବ ଙ୍କୁ ଡାକି ବିସ୍ତୃତ ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ ।

ଅଧିକ ପଢ଼ନ୍ତୁ ଓଡ଼ିଶା ଖବର