ଅର୍ଗସ ବ୍ୟୁରୋ : ରାଜ୍ୟର ବିପର୍ଯ୍ୟସ୍ତ ଶିକ୍ଷା ଓ ସ୍ବାସ୍ଥ୍ୟ ବ୍ୟବସ୍ଥା ନେଇ ପୂର୍ବ ବିଜେଡି ସରକାର ଉପରେ ବର୍ଷିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ୫ ବର୍ଷ ଧରି ରାଜ୍ୟରେ 5-T ରୂପାନ୍ତରଣ ନାଁରେ ନାଟକ ଚାଲିଥିଲା । ଆଜି ବିଭିନ୍ନ ସ୍ଥାନକୁ ଗଲେ ରୂପାନ୍ତରଣର ରଙ୍ଗ ଦେଖାଯାଉଛି । ଏ ସବୁର ହିସାବ ନିକାସ ହେବ । କାହାକୁ ଛଡ଼ାଯିବ ନାହିଁ । ରାଜ୍ୟରେ ପ୍ରାଥମିକ ଶିକ୍ଷା ବ୍ୟବସ୍ଥା ସମ୍ପୂର୍ଣ୍ଣ ଭୁଶୁଡ଼ି ପଡ଼ିଛି।  ସେହିପରି ମୋହନ ମାଝୀ କହିଛନ୍ତି ଗତ 5 ବର୍ଷରେ ବିଶ୍ବସ୍ତରୀୟ ସ୍ବାସ୍ଥ୍ୟ ବ୍ୟବସ୍ଥା ନାଁରେ ରାଜ୍ୟରେ ପ୍ରହସନ ଚାଲିଥିଲା । ସ୍ବାସ୍ଥ୍ୟସେବା କେବଳ ଟେଲିଭିଜନ ଓ ବିଜ୍ଞାପନରେ ସୀମିତ ଥିଲା ।

ଅଧିକ ପଢନ୍ତୁ : ଘରେ ଘରେ ନଳରେ ପାଣି, ଡ୍ରିଙ୍କ ଫ୍ରମ୍ ଟ୍ୟାପର ଡେଙ୍ଗୁରା ପିଟୁଥିଲା ବିଜେଡି ସରକାର

ବିଶ୍ବସ୍ତରୀୟ ସ୍ବାସ୍ଥ୍ୟସେବା ନାଁରେ ଲୋକଙ୍କୁ ମାରି ଦେଉଥିଲେ ବିଜେଡି ସରକାର।  ଗତ ସରକାର ମହିଳାମାନଙ୍କୁ କେବଳ ଭୋଟ୍ ବ୍ୟାଙ୍କ ଭାବେ ବ୍ୟବହାର କରୁଥିଲେ । ତେବେ ବିଜେପି ସରକାରଙ୍କ ସୁଭଦ୍ରା ଯୋଜନା ମହିଳାଙ୍କ ପାଇଁ ନୂଆ ଆଶା ପାଲଟିଛି। ଆସନ୍ତା ୧୭ ତାରିଖରେ ପ୍ରଧାନମନ୍ତ୍ରୀଙ୍କ ଦ୍ବାରା ସୁଭଦ୍ରା ଯୋଜନାର ଶୁଭାରମ୍ଭ କରାଯିବ ।  ରାଜ୍ୟର ସମସ୍ତ ଯୋଗ୍ୟ ହିତାଧିକାରୀ ଯେମିତି ସୁଭଦ୍ରା ଯୋଜନାରୁ ଲାଭ ପାଇପାରିବେ ତାହା ମୁଁ ନିଜେ ତଦାରଖ କରିବି ବୋଲି କହିଛନ୍ତି ମୁଖ୍ୟମନ୍ତ୍ରୀ।  ମୁଁ ବିଧାନସଭାର ପବିତ୍ର ଗୃହରୁ ମା ମାନଙ୍କୁ ପ୍ରତିଶ୍ରୁତି ଦେଉଛି ବୋଲି କହିଛନ୍ତି ମୋହନ ମାଝୀ।