ଅର୍ଗସ ବ୍ୟୁରୋ: ସରକାରଙ୍କ ମାଳ ମାଳ ଯୋଜନା କାହା ସ୍ୱାର୍ଥରେ ? ବିକାଶର ବହୁ ଦୂରରେ ଓଡିଶା ଛତିଶଗଡ଼ ସୀମାନ୍ତବର୍ତ୍ତୀ ଅଞ୍ଚଳ । ଏଠାରେ ବସୁଧା ଯୋଜନା ଫେଲ୍...ଆଜ୍ଞା ହଁ ଆପଣ ଠିକ ଶୁଣିଛନ୍ତି ଯୋଜନା କଣ ଏମାନଙ୍କୁ କିଛି ଜଣା ନାହିଁ l ଚାଉଳ କେବଳ ସରକାର ଯୋଗେଇ ଦେଉଛନ୍ତି ସତ କିନ୍ତୁ ଏଠାରେ ପହଂଚି ପାରିଲା ନାହିଁ ସରକାରଙ୍କ ଅନେକ ଯୋଜନା l ସମସ୍ତ ଗ୍ରାମକୁ ପକ୍କା ରାସ୍ତା ଯୋଗେଇ ଦିଆଯାଇଛି କହି ରାଜ୍ୟ ସରକାର ଡିଣ୍ଡିମ ପିଟୁଛନ୍ତି କିନ୍ତୁ ଏହି ଗ୍ରାମକୁ ଯିବାକୁ ହେଲେ ମୋରମ ରାସ୍ତାଦେଇ ଯିବାକୁ ପଡିବ । ସମସ୍ତେ ପ୍ରଶ୍ନ କହୁଛନ୍ତି ଆମେ କି ପାପ କରିଥିଲୁ ଆମ ଗାଁର କାହାରିକୁ ହେଲେ ଆବାସ ଯୋଜନାରେ ଅନ୍ତର୍ଭୁକ୍ତ କରାଗଲା ନାହିଁ l ସ୍ତାନୀୟ ବ୍ଲକ ପ୍ରଶାସନର ବି ଏଠାରେ ଆଖି ପଡ଼ିନାହିଁ l

ଏହି ଗ୍ରାମରେ ଏମିତି ଗୋଟିଏ ପରିବାର ଅଛନ୍ତି ଯାହାଙ୍କର ସାହା ଭରସା କିଏ ନାହାନ୍ତି ପରିବାର କହିଲେ ଦୁଇ ମାନସିକ ବିକଳାଙ୍ଗ ସ୍ୱାମୀ ସ୍ତ୍ରୀ l ନା ଏମାନେ ଭଲସେ ଦେଖି ପାରୁଛନ୍ତି ନା କୋଣସି କାମ କରିବା ପାଇଁ ସକ୍ଷମ l ଗୋଟିଏ ଛୋଟିଆ ଭଙ୍ଗା କୋଠରୀରେ ବିତୁଛି ଏହି ଦୁଇ ଦାମ୍ପତିଙ୍କ ଜୀବନ l ଏମାନେ ବିକଳାଙ୍ଗ ଭତା ପାଇବାରେ ବଞ୍ଚିତ ବଂଚିତ ଏମାନଂକୁ ଆବାସ ଯୋଜନାରେ ମଧ୍ୟ ଅନ୍ତର୍ଭୁକ୍ତ କରାଯାଇ ନାହିଁ l

ଗ୍ରାମରେ ବୃଦ୍ଧା ଜଣେ ମାଣ୍ଡିଆ ପେଜ ସହ ଖଣ୍ଡିଏ ଭାତ ଓ ଅଳ୍ପ କିଛି ଭଜା ପତ୍ରରେ ତିଆରି ଦନା ଧରି ଖାଉ ଥାନ୍ତି ଭଲସେ ଲୋକଙ୍କୁ ଚିହ୍ନ ବି ପାରୁନାହାନ୍ତି l ଆଖିରେ ଲୁହ ଝରେଇ ପିଣ୍ଡାରେ ବସି ହାତ ଗୋଡ ଥରି ଥରି ପେଜ ପିଉ ଥାନ୍ତି l ଶୁଣନ୍ତୁ ମଉସା ଜଣକ କଣ କହୁଛନ୍ତି l ଏମିତି ଅଭିଶପ୍ତ ବିତାଉ ଗ୍ରାମରେ ଗ୍ରାମରେ ସରକାର ତଥା ବ୍ଲକ ପ୍ରଶାସନଙ୍କ ଦୃଷ୍ଟି କେବେ ପଡୁଛି ତାହା ସମୟ ହିଁ କହିବ l

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | Odisha Latest News, Breaking News, Trending News, Live TV