ଅର୍ଗସ ବ୍ୟୁରୋ: ଅର୍ଗସର ମହାପ୍ରଭାବ, ଚେତିଲେ ରାଜ୍ୟ ସରକାର । ଖବର ପ୍ରସାରଣ ପର ତେଲେଙ୍ଗାନାରେ ବନ୍ଧା ପଡିଥିବା ଝିଅକୁ ଉଦ୍ଧାର କରାଗଲା । ଗତକାଲି ବିଶାଖାପାଟନମରୁ ଟ୍ରେନ ଯୋଗ ଆସିଛି ନାବାଳିକା ଜଣଙ୍କ । ଦାଦନ ଖଟିବାକୁ ଯାଇ କାମ କରିବାକୁ ଯାଇ ଦାଦନ ଯନ୍ତ୍ରଣାର ଶିକାର ହୋଇଥିଲେ । ବାପାର ମୃତ୍ୟୁ ପରେ ଅଗ୍ରିମ ଟଙ୍କା ଫେରାଇବାକୁ ଦାବି କରି ଦାଦନ ଝିଅକୁ ବନ୍ଧକ ରଖିଥିଲା ଦାଦନ ସର୍ଦାର ଓ ଇଟାଭାଟି ମାଲିକ । ୫୦ ହଜାର ଟଙ୍କା ଦେବା ପରେ ବି ଛାଡୁ ନଥିବା ଅଭିଯୋଗ ହୋଇଥିଲା । ଝିଅକୁ ଉଦ୍ଧାର ସହ ଦାଦନ ସର୍ଦ୍ଦାରକୁ ଗିରଫ ଓ ପରିବାରକୁ କ୍ଷତିପୂରଣ ଦାବିରେ ମୃତଦେହ ରଖି ଧାରଣା ଦେଇଥିଲେ ପରିବାର ଲୋକେ । ବଲାଙ୍ଗିର ବେଲପଡ଼ ବ୍ଲକ ସୁଲେକେଲାରୁ ଆସିଛି ଦାଦନ ଯନ୍ତ୍ରଣାର କରୁଣ କାହାଣୀ ।

ଅର୍ଥ ଅଭାବ ଦୂର କରିବାକୁ ପରିବାର ସହ ତେଲେଙ୍ଗାନାକୁ ଦାଦନ ଖଟି ଯାଇଥିଲେ କାହ୍ନୁ ମଲ୍ଲିକ । ଇଟା ଭାଟିରେ କାମ କରୁଥିବା ବେଳେ ମାଲିକ ନିର୍ଯାତନା ଦେଉଥିଲା । ଦେହ ଅସୁସ୍ଥ ହେବା ପରେ ମଧ୍ୟ ଭାଟିରେ କାମ କରିବାକୁ ବାଧ୍ୟ କରାଯାଉଥିଲା । ଗୁରୁତର ହେବା ପରେ ଭାଟି ମାଲିକ ତାଙ୍କୁ ଘରକୁ ପଠାଇ ଦେଇଥିଲା । ଆଉ ଘରେ ପହଞ୍ଚିବା ପରେ କାହ୍ନୁଙ୍କର ମୃତ୍ୟୁ ହୋଇଥିଲା । ତାଙ୍କ ଝିଅକୁ ବନ୍ଧକ ରଖି ପରିବାର ଲୋକଙ୍କୁ ଟଙ୍କା ମାଗୁଥିଲେ ଇଟା ଭାଟି ମାଲିକ । ଅର୍ଗସରେ ଏନେଇ ଖବର ପ୍ରସାରଣ ହୋଇଥିଲା । ପରେ ପ୍ରଶାସନ ପକ୍ଷରୁ ଝିଅକୁ ଉଦ୍ଧାର କରି ଗାଁକୁ ଅଣାଯାଉଛି । ଏଠି ପ୍ରଶ୍ନ ଉଠୁଛି, ୨୪ ବର୍ଷର ସ୍ଥିର ସରକାର ଦାଦନ ରୋକିବାରେ କେବେ ହେବ ସଫଳ ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more