ଅର୍ଗସ ବ୍ୟୁରୋ: ବାତ୍ୟା ଦାନାର ପ୍ରଭାବରେ ଚାଷ ଜମିରେ କିପରି କ୍ଷୟକ୍ଷତି ହୋଇଛି, ଇଏ ହେଉଛି ସେହି ଦୃଶ୍ୟ । ବାଲେଶ୍ବର ଜିଲ୍ଲାର ସୋର ଏବଂ ବାହାନଗା ବ୍ଲକ ର ବିଭିନ୍ନ ସ୍ଥାନ ରେ ଧାନ ଏବଂ ପରିବା ଚାଷ ଜମିରେ ବ୍ୟାପକ ଭାବରେ କ୍ଷତି ହୋଇଛି । ଅମଳ ସମୟରେ ଚାଷୀଙ୍କ ଆର୍ଥିକ ମେରୁଦଣ୍ଡ ଭାଂଗିଦେଇଛି ଦାନା l ସୋର ବ୍ଲକ ର ଆଟପୁର, ତଳନଗର, କେଶରିପୁର, ଗୁଡ଼, ଟେଣ୍ଟେଇ, ସାଜନପୁର, କେଦାରପୁର, ଅନନ୍ତପୁରରେ ବ୍ୟାପକ ଭାବରେ ଚାଷରେ କ୍ଷତି ହୋଇଛି ।

ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ରେ ହଜାର ହଜାର ହେକ୍ଟର ଚାଷଜମି ପାଣି ଘେରରେ । ଧାନ ଚାଷ ସମ୍ପୂର୍ଣ ଉଜୁଡି ଯାଇଛି । ବ୍ଳକରେ 20ହଜାର340ହେକ୍ଟର ଚାଷ ଜମି ବନ୍ୟାରେ ପ୍ରଭାବିତ । ବାସୁଦେବପୁର ବ୍ଲକ ର ମିରିଗା ରେ ଲକ୍ଷାଧିକ ଟଙ୍କାର ପରିବା ଚାଷ ଉଜୁଡି ଯାଇଛି । ଧାନ ସମେତ ଭେଣ୍ଡି, ବାଇଗଣ, ଜହ୍ନି ଓ ବିଭିନ ପରିବା ପଚି ଯାଇଛି । ବନ୍ୟାଜଳ ପ୍ରବେଶ କରିବାରୁ ଲକ୍ଷାଧିକ ଟଙ୍କାର ଧାନ ସମେତ ପରିବା ଚାଷ ଉଜୁଡି ଯାଇଛି ।

ଚାନ୍ଦବାଲି ବ୍ଲକରେ ବାତ୍ୟାର କରାଳ ରୂପରେ ଚାଷୀର ବର୍ଷକର ଅମଳ ନଷ୍ଟ ହୋଇଯାଇଛି । ଜମିକୁ ପଡ଼ିଆ ନ ରଖି କରିଥିଲା ଚାଷ ହେଲେ ଦୁଃଖ ଆଣିଦେଲା ବାତ୍ୟା ଦାନା । ଏବେ ଚାଷୀଙ୍କ ଆଶା ରାଜ୍ୟ ସରକାର କ୍ଷତିପୂରଣ ଦେବେ ।ଦୁଇ ଦୁଇ ଥର ବାତ୍ୟା ପ୍ରଭାବିତ ଅଞ୍ଚଳରେ କ୍ଷୟକ୍ଷତିର ଅନୁଧ୍ୟାନ କରିଛନ୍ତି ମୁଖ୍ୟମନ୍ତ୍ରୀ। ଆକାଶ ମାର୍ଗରୁ କେନ୍ଦ୍ରାପଡ଼ା, ଭଦ୍ରକ, ବାଲେଶ୍ବର ଓ ମୟୂରଭଞ୍ଜ ଜିଲ୍ଲାରେ ଏରିଅଲ୍ ସର୍ଭେ କରିଛନ୍ତି ମୁଖ୍ୟମନ୍ତ୍ରୀ ଏବଂ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ । ନଭେମ୍ବର 2 ତାରିଖ ସୁଦ୍ଧା କ୍ଷୟକ୍ଷତି ରିପୋର୍ଟ ଦେବାକୁ ମୁଖ୍ୟମନ୍ତ୍ରୀଙ୍କର ରହିଛି ନିର୍ଦ୍ଦେଶ ।

ଅଧିକ ପଢନ୍ତୁ ଓଡିଶା ଖବର...

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV