ଅର୍ଗସ ବ୍ୟୁରୋ:  ଏକତରଫା ପ୍ରେମର କରୁଣ ପରିଣତି । ପତ୍ନୀକୁ ଗାଡ଼ି ଚଢ଼ାଇ ହତ୍ୟା ଉଦ୍ୟମ କଲା ସ୍ୱାମୀ  । ଏ ଅଭାବନୀୟ ଘଟଣା ଘଟିଛି ରାଜଧାନୀ ପଟିଆ ଅଞ୍ଚଳରେ । ସ୍ତ୍ରୀର ବଡ଼ ଭଉଣୀକୁ ଏକତରଫା ପ୍ରେମ କରି ବିଫଳ ହେବା ପରେ ସ୍ତ୍ରୀକୁ ହତ୍ୟା ଉଦ୍ୟମ କରିଛି ସ୍ୱାମୀ । ଗତକାଲି ସନ୍ଧ୍ୟାରେ ପୀଡ଼ିତା ଜଣକ ପଟିଆ ସ୍ଥିତ କର୍ମସ୍ଥଳରୁ ସ୍କୁଟି ଯୋଗେ ଘରକୁ ଫେରିବା ବେଳେ ସ୍ୱାମୀ ନିଜ ପିକଅପ ଭ୍ୟାନକୁ ଦ୍ରୁତଗତିରେ ଚଳାଇ ଆଣି ସ୍ତ୍ରୀଙ୍କ ପଛପଟରୁ ଖୁବ ଜୋରସେ ଧକା ଦେଇଥିଲେ । ସ୍ତ୍ରୀ ସ୍କୁଟି ସହ ତଳେ ପଡ଼ିଯିବା ପରେ ଅଭିଯୁକ୍ତ ତାଙ୍କୁ ନିଜ ଗାଡିରେ ୫୦୦ ମିଟର ପର୍ଯ୍ୟନ୍ତ ଘୋଷାଡି ନେଇଥିଲେ ।

ସ୍ଥାନୀୟ ଲୋକ ଏହା ଦେଖି ଅଭିଯୁକ୍ତଙ୍କ ଗାଡ଼ିକୁ ପିଛା କରି ତାକୁ ଅଟକାଇବା ସହିତ ଉଦ୍ଧାର କରି ହସ୍ପିଟାଲକୁ ସ୍ଥାନନ୍ତର କରିଥିଲେ । ଏହି ଘଟଣାରେ ସ୍ତ୍ରୀଙ୍କର ଡାହାଣ ହାତ ହାଡ ଭାଙ୍ଗି ଯାଇଥିବା ବେଳେ ସ୍କୁଟିଟି ସମ୍ପୂର୍ଣ୍ଣ ଭାଙ୍ଗିରୁଜି ଯାଇଥିଲା । ଘଟଣାର ଅଭିଯୋଗ ପରେ, ଇନଫୋସିଟି ଥାନା ପୁଲିସ ମାମଲାର ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରିଥିଲେ ।

ଅଧିକ ପଢ଼ନ୍ତୁ ଓଡିଶା ଖବର: