ଅର୍ଗସ ବ୍ୟୁରୋ: ବିଜେଡିର ବିପର୍ଯ୍ୟୟ ପଛରେ ପାଣ୍ଡିଆନ । ପାଣ୍ଡିଆନଙ୍କ ଜିଲ୍ଲା ବୁଲା ପଛରେ ଉଦ୍ଦେଶ୍ୟ ଥିଲା କ୍ଷମତା ଦଖଲ । ବିଜେଡିର ପ୍ରତିଷ୍ଠାତା ସଦସ୍ୟ ପାଟ୍ଟଶାଣୀ କଲେ ଖୁଲାସା । ଏବେ ବିଜେଡି ଛାଡିଥିବା ପୂର୍ବତନ ବିଧାୟକ କହିଲେ ଦଳକୁ ଚଳାଉଥିଲା ସରକାରୀ କଳ ।ସମୀକ୍ଷକ କହିଲେ ବିଜେଡି ତାର ବିଚାରଧାରାକୁ ଗାତରେ ପୋତିଦେଇଛି । ବେଶି ଦିନ ତିଷ୍ଠି ପାରିବନି ବିଜେଡି । ପାଣ୍ଡିଆନଙ୍କ ଜିଲ୍ଲା ବୁଲା ର ଗୁମର ଖୋଲିଲେ ଦଳର ପ୍ରତିଷ୍ଠାତା ସଦସ୍ୟ ପ୍ରସନ୍ନ ପାଟ୍ଟଶାଣୀ କହିଲେ ବିଜେଡି ବିପର୍ଯ୍ୟୟର ଏକମାତ୍ର କାରଣ ହିଁ ପାଣ୍ଡିଆନ । ବିଜେଡିରେ କିଏ ମଙ୍ଗ ଧରିଛି କିଏ ନିର୍ବାଚନ ପରିଚାଳନା କରୁଥିଲା ଆଉ କିଏ ସଂଗଠନ କଥା ବୁଝିଥିଲା ତାର ଗୁମର ଖୋଲିଛନ୍ତି ବାରବାଟୀ -କଟକ ଆସନରୁ ବିଜେଡି ଟିକେଟରେ ଲଢିଥିବା ପୂର୍ବତନ ବିଧାୟକ ପ୍ରକାଶ ବେହେର। ରାଜନୈତିକ ସମୀକ୍ଷକ ଅକ୍ଷୟ ସାହୁ କହିଥିଲେ ଯେଉଁ ବିଚାରାଧାରାରେ ଦଳ ତିଆରି ହୋଇଥିଲା ତାକୁ ଏବେ ଗାତରେ ପୁରାଇ ଦେଇଛନ୍ତି ନେତା ତେଣୁ ଆଉ ତିଷ୍ଠିପାରିବନି ବିଜେଡି । ନିର୍ବିାଚନ ପରେ ବିଜେଡି ନେତାଙ୍କ ବୟାନକୁ ନେଇ ଦଳର ସ୍ଥିତି ଓ ଭବିଷ୍ୟତକୁ ନେଇ ମତ ରଖିଛନ୍ତି ସାଧାରଣ ଲୋକେ ।

ଅଧିକ ପଢନ୍ତୁ ଓଡ଼ିଶା ଖବର...

Argus News | argus news | Odisha Latest News, Breaking News, Trending News, Live TV