ଅର୍ଗସ ବ୍ୟୁରୋ:  ମୟୁରଭଞ୍ଜ ଜିଲ୍ଲା ବାଙ୍ଗିରିପୋଷି ବ୍ଲକ ଚାକିଡି ଗ୍ରାମ ପଂଚାୟତରେ ବଢିଚାଲିଛି ମ୍ୟାଲେରିଆର ସଂକ୍ରମଣ । ବାରିବେଡା, ଜାରକାଣି, ଭାଦୁଆକଚା ଗାଁରେ ଘରକୁ ଘର ବ୍ୟାପିଛି ମ୍ୟାଲେରିଆ । ପାଖାପାଖି 70 ପ୍ରତିଶତ ଲୋକ ମ୍ୟାଲେରିଆ ଆକ୍ରାନ୍ତ । କିନ୍ତୁ ନିରାକରଣ ନିମନ୍ତେ ଗ୍ରାଉଣ୍ଡ ଜିରୋରେ ବିଭାଗୀୟ ଅଧିକାରୀଙ୍କ ଦେଖା ମିଳୁନି । କିନ୍ତୁ ଖବର ପାଇଲା ମାତ୍ରେ କିଟ୍ ଧରି ଘରେ ଘରେ ପହଁଚି ସେବା ଯୋଗାଉଛନ୍ତି  ଆଶା ଦିଦି ଜାଉନା ସୋରେନ । ଗୋଷ୍ଠିସ୍ବାସ୍ଥ୍ୟ କେନ୍ଦ୍ରରୁ କେବଳ କିଟ ଓ ମେଡିସିନ ଦେଇ ଅଧିକାରୀ ମାନେ ନିଜର କାମ ତୁଲାଇ ଦେଉଥିବା ଅଭିଯୋଗ ହୋଇଛି ।

ବାଙ୍ଗିରିପୋଷି ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରରେ ଦୀର୍ଘ ବର୍ଷ ଧରି ମ୍ୟାଲେରିଆ ନିରାକରଣ ଦାୟିତ୍ଵରେ ଥିବା ଅଧିକାରୀଙ୍କ କଥା ନକହିବା ଭଲ । କେବଳ ସ୍ଵାସ୍ଥ୍ୟକେନ୍ଦ୍ରକୁ ଆସି ନିଜର ଡିୟୁଟି ତୁଲାଉ ଥିବାବେଳେ ମ୍ୟାଲେରିଆ ପ୍ରବଣ ଅଂଚଳରେ ତାଙ୍କର ଦେଖା ମିଳେନାହିଁ। ଚାକିଡି ଗ୍ରାମ ପଂଚାୟତରେ ମ୍ୟାଲେରିଆ ସଂକ୍ରମଣରେ ତୁରନ୍ତ ରୋକ ଲଗାଇବାକୁ ଦାବି କରିଛନ୍ତି ଅଞ୍ଚଳ ବାସୀ ।

ଅଧିକ ପଢ଼ନ୍ତୁ ଓଡିଶା ଖବର: