ଭୈରବ ପାଣ୍ଡିଆନ୍ ଙ୍କ ପାଇଁ ବଢିଲା ଅଡୁଆ
ପଲିଟିକାଲ ଲଞ୍ଚିଂ ପାଇଁ ପାଣ୍ଡିଆନ୍ ଙ୍କ ଜିଲ୍ଲା ବୁଲା ମହଙ୍ଗା ପଡିବ
ପରିବହନ ବିଭାଗ ପରେ ଖୋଳତାଡ ଆରମ୍ଭ କଲା ପୂର୍ତ୍ତ ବିଭାଗ
ହେଲିକପଟର ବୁଲା ବିବାଦ ନ ଥମୁଣୁ ହେଲିପ୍ୟାଡ୍ ନିର୍ମାଣକୁ ନେଇ ଉଠିଲା ପ୍ରଶ୍ନ
ପାଣ୍ଡିଆନ୍ ଙ୍କ ଗସ୍ତ ପାଇଁ ନିର୍ମାଣ ହୋଇଥିବା ହେଲିପ୍ୟାଡ୍ ରେ ବଡ ଦୁର୍ନିତିର ଗନ୍ଧ
କାହା ନିର୍ଦେଶରେ କିଏ କରିଥିଲା କାମ, ତଦନ୍ତ ହେବ କହିଲେ ପୂର୍ତ୍ତ ବିଭାଗ ମନ୍ତ୍ରୀ
ପାଣ୍ଡିଆନ ଙ୍କ ସହ ଫସି ପାରନ୍ତି ତତ୍କାଳୀନ ସରକାରଙ୍କ ପରିବହନ ଓ ପୂର୍ତ୍ତ ମନ୍ତ୍ରୀ

ଅର୍ଗସ ବ୍ୟୁରୋ: ବିଭିନ୍ନ ବାଟରେ ରାଜକୋଷକୁ ଖୋଳ କରିଥିଲେ ସୁପର ସିଏମ୍ ଭୈରବ ପାଣ୍ଡିଆନ୍ । ରାଜ୍ୟରେ ନୂଆ ସରକାର ଆସିବା ପରେ ଖୋଲୁଛି ଗୋଟିଏ ପରେ ଗୋଟିଏ ଗୁମର । ସାମ୍ନାକୁ ଆସୁଛି ଭି.କେ ପାଣ୍ଡିଆନ୍ ଙ୍କ ଦୁର୍ନିତିର କଳା ଚିଠା । ନୂଆ ତଥ୍ୟ ଅନୁଯାୟୀ ଭୈରବ ପାଣ୍ଡିଆନ୍ କେବଳ ବ୍ୟକ୍ତିଗତ କାମରେ ହେଲିକପଟର ବୁଲାଉନଥିଲେ ବରଂ ହେଲିପ୍ୟାଡ୍ ନିର୍ମାଣ ନାଁରେ ମଧ୍ୟ କରାଇଥିଲା ବଡ ଦୁର୍ନିତି । ପରିବହନ ବିଭାଗ ପରେ ପୂର୍ତ୍ତ ବିଭାଗ ଖୋଳତାଡରୁ ଆସିଛି ଏପରି କିଛି ସାଙ୍ଘାତିକ ତଥ୍ୟ । ବିଭାଗୀୟ ମନ୍ତ୍ରୀ କହିଛନ୍ତି ଭୈରବ ପାଣ୍ଡିଆନ୍ ନିର୍ବାଚନ ପୂର୍ବରୁ ପାଖାପାଖି 450 ଜାଗା ବୁଲିଛନ୍ତି । ସେହି ସବୁ ସ୍ଥାନରେ ହେଲିପ୍ୟାଡ଼ ନିର୍ମାଣ ଲାଗି କିଏ ନିର୍ଦେଶ ଦେଇଥିଲା, କିଏ କାମ କରିଥିଲା ଆଉ ରାଜ୍ୟ ରାଜକୋଷରୁ କେତେ ଟଙ୍କା ଖର୍ଚ୍ଚ ହୋଇଥିଲା ତାହାର ତଦନ୍ତ କରାଯାଇ ନିଆଯିବ ଦୃଢ କାର୍ଯ୍ୟାନୁଷ୍ଠାନ । ଯାହାର ଜବାବ ରଖିଛି ବିଜେଡି ।

ସେପଟେ ନିଜର ପଲିଟିକାଲ ଲଞ୍ଚିଂ ପାଇଁ ପାଣ୍ଡିଆନ୍ ଙ୍କ ଜିଲ୍ଲା ବୁଲା ବିଜେଡି ପାଇଁ ମହଙ୍ଗା ହେବା ପରେ ବି କିଛି ଦଳୀୟ ନେତାଙ୍କ ଆଖି ଖୋଲିନି । ନିର୍ବାଚନ ବେଳେ ସବୁଠୁ ଅଧିକ ବିବାଦୀୟ ବ୍ୟକ୍ତିତ୍ବ ହୋଇଥିଲେ ଭି.କେ ପାଣ୍ଡିଆନ୍ । ଭୈରବଙ୍କ ଉପରେ ଓଡିଆ ଲୋକଙ୍କ କ୍ରୋଧ ଚରମ ସୀମାରେ ପହଞ୍ଚିଥିଲା । ଯେଉଁଥିପାଇଁ 24 ବର୍ଷ ଶାସନରେ ଥିବା ବିଜେଡି ଦଳ ଆଜି ବିରୋଧୀ ଆସନରେ ବସିଛି । ତଥାପି ମଧ୍ୟ ବିଜେଡି ସୁପ୍ରିମୋ ନବୀନ ପଟ୍ଟନାୟକ ହୁଅନ୍ତୁ କିମ୍ବା କିଛି ଦଳୀୟ ନେତାଙ୍କ ର ପାଣ୍ଡିଆନ୍ ପ୍ରେମ ଯାଉନି । ଏବେ ବି ପାଣ୍ଡିଆନଙ୍କ ପ୍ରେମରେ ବିଜେଡି ନେତା ।

ପୂର୍ବରୁ ବରିଷ୍ଠ ସାମ୍ବାଦିକ ରୁବେନ ବାନାର୍ଜି ପାଣ୍ଡିଆନ୍ ଙ୍କ ଜିଲ୍ଲା ବୁଲାକୁ ନେଇ ଉଠାଇଥିଲେ ପ୍ରଶ୍ନ । ସେହିପରି ନିର୍ବାଚନ ସମୟରେ ପ୍ରଧାନମମନ୍ତ୍ରୀ କହିଥିଲେ ଓଡିଶାକୁ ଲୁଟିଥିବା ମାଫିଆଙ୍କ ଅଣ୍ଟା ଭାଙ୍ଗି ଦିଆଯିବ ଆଉ ଆସାମ ମୁଖ୍ୟମନ୍ତ୍ରୀ ହେମନ୍ତ ବିଶ୍ବଶର୍ମା ବି ଖୋଲିଥିଲେ ପାଣ୍ଡିଆନ୍ ଙ୍କ ପୋଲ୍ । ରାଜକୋଷକୁ ଲୁଟ୍ କରିଥିବା ତାମିଲ ବାବୁ ଭୈରବ ପାଣ୍ଡିଆନ୍ ଙ୍କୁ ନେଇ ଓଡିଆ ଲୋକଙ୍କ ଭିତରେ ପ୍ରବଳ ଆକ୍ରୋଶ ଥିବା ବେଳେ ଏହି ସବୁ ତଥ୍ୟ ପ୍ରମାଣ କହୁଛି ନବୀନ ନିବାସରେ ଆତ୍ମଗୋପନ ବି ତାଙ୍କୁ ସୁରକ୍ଷା ଦେଇପାରିବନି ବୋଧେ ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | Odisha Latest News, Breaking News, Trending News, Live TV