ଅଫିସର ଥିଲେ ସର୍ବେ ସର୍ବା..ଯାଉ ନଥିଲେ ଜିଲ୍ଲା
- ନବୀନଙ୍କ ନିର୍ଦ୍ଦେଶକୁ ମାନୁ ନ ଥିଲେ ସଚିବ
- ଅଫିସର ଥିଲେ ସର୍ବେ ସର୍ବା..ଯାଉ ନଥିଲେ ଜିଲ୍ଲା
- ଏବେ ମୋହନ ସରକାରଙ୍କ ନିର୍ଦ୍ଦେଶକୁ ମାନିବେ କି ନାହିଁ ଅପେକ୍ଷା
- ଗତ ସରକାରରେ ବିକାଶ ପଥଚ୍ୟୁତ ହେବାର କାରଣ ଥାର୍ଡ ପାର୍ଟି ମ୍ୟାନେଜମେଣ୍ଟ
- ଏବେ ରାଜନୈତିକ ଇଛା ଶକ୍ତି ଥିବା ଲୋକେ କରିବେ କାମ
- ଏବେ ଅପେକ୍ଷା କ୍ରିୟାନ୍ବୟନ କରିବେ ନା ଠକି ଦେବେ ?
ଅର୍ଗସ ବ୍ୟୁରୋ: ଜିଲ୍ଲା ବୁଲିବେ ସଚିବ । ଗାଁକୁ ଯାଇ ଲୋକଙ୍କ ସୁବିଧା ଅସୁବିଧା ବୁଝିବେ ପ୍ରଶାସନିକ ଅଧିକାରୀ । ସରକାରୀ ଯୋଜନା ଲୋକଙ୍କୁ ମିଳୁଛି କି ନାହିଁ କରିବେ ତଦାରଖ । ଜିଲ୍ଲା ଗସ୍ତ କରି ଦେବେ ସରକାରଙ୍କୁ ସବିଶେଷ ରିପୋର୍ଟ । ବିଭାଗୀୟ ସଚିବ ମାନଙ୍କୁ ଅତିକମରେ ୨ ଦିନ ଜିଲ୍ଲା ଗସ୍ତରେ ଯିବା ପାଇଁ ନିର୍ଦ୍ଦେଶ ଦେଇଛନ୍ତି ମୁଖ୍ୟ ସଚିବ ମନୋଜ ଆହୁଜା । ବିଭିନ୍ନ ବିଭାଗର ସଚିବ ମାନେ ଜିଲ୍ଲା ଗସ୍ତରେ ଯାଇ ସରକାରଙ୍କ ପ୍ରମୁଖ ଯୋଜନା ଓ କାର୍ଯ୍ୟକ୍ରମ ଗୁଡ଼ିକର କାର୍ଯ୍ୟାନ୍ୱୟନର ତଦାରଖ କରିବା ସହ ସାଧାରଣ ଲୋକଙ୍କୁ ବିଭିନ୍ନ ସରକାରୀ ସେବା ପ୍ରଭାବୀ ଢଙ୍ଗରେ ମିଳୁଛି କି ନାହିଁ ତାହା ଦେଖିବେ । ସରକାରୀ ଯୋଜନା ଓ କାର୍ଯ୍ୟକ୍ରମକୁ କିଭଳି ଅଧିକ ସଫଳତାର ସହ କାର୍ଯ୍ୟକାରୀ କରି ହେବ ସେନେଇ ମଧ୍ୟ ମତାମତ ଦେବାକୁ ସଚିବ ମାନଙ୍କୁ କୁହାଯାଇଛି । ଏହାସହିତ ବିଭିନ୍ନ ସରକାରୀ ଯୋଜନା ଓ କାର୍ଯ୍ୟକ୍ରମର ତଥ୍ୟ ଆଦିକୁ ଭଲ ଭାବେ ଅନୁଧ୍ୟାନ କରିବାକୁ ସଚିବ ମାନଙ୍କୁ ପରାମର୍ଶ ଦିଆଯାଇଛି, ଯାହାକି ସେମାନଙ୍କୁ ଉପଯୁକ୍ତ ନିଷ୍ପତ୍ତି ନେବାରେ ସହାୟକ ହୋଇପାରିବ ।
ତେବେ ନବୀନ ସରକାରରେ ମଧ୍ୟ ସଚିବ ମାନଙ୍କୁ ଜିଲ୍ଲା ବୁଲିବା ପାଇଁ ନିର୍ଦ୍ଦେଶ ଦିଆଯାଇଥିଲା । ରାତ୍ରି ରହଣୀ କରି ଜନସାଧାରଣଙ୍କ ସମସ୍ୟା ବୁଝିବା ସହ ସମାଧାନର ରାସ୍ତା ବାହାର କରିବାକୁ ସଚିବ ମାନଙ୍କୁ କୁହାଯାଇଥିଲା । କିନ୍ତୁ ନିର୍ଦ୍ଦେଶ କେବଳ ଥିଲା କାଗଜ କଲମରେ । କାରଣ କେଉଁ ସଚିବ କେଉଁ ଜିଲ୍ଲାକୁ ଗସ୍ତ କଲେ, ସେଠାରେ କଣ ଅନୁଧ୍ୟାନ କଲେ, ଲୋକଙ୍କ ସହ ମିଶିଲେ କି ନାହିଁ, ସମସ୍ୟା ବୁଝିଲେ କି ନାହିଁ । ଏ ନେଇ କୌଣସି ରିପୋର୍ଟ ପଦାକୁ ଆସିଲାନି । ପୂର୍ବ ବିଜେଡ଼ି ସରକାରରେ ପଙ୍ଗୁ ଅବସ୍ଥାରେ ଥିଲା ପ୍ରଶାସନିକ ବ୍ୟବସ୍ଥା । ଲୋକଙ୍କ ସେବା ଠୁ ଅଧିକ ଜଣେ ବ୍ୟକ୍ତିଙ୍କ ଇଶାରାରେ ନାଚୁଥିଲେ ବ୍ୟୁରୋକ୍ରାଟ । ତେଣୁ ନବୀନ ସରକାରରେ ନିର୍ଦ୍ଦେଶ ମାନୁ ନଥିବା ଅଫିସର ମୋହନ ସରକାରରେ କେତେ ମାନୁଛନ୍ତି ତା ଉପରେ ନଜର ।
ଅଧିକ ପଢ଼ନ୍ତୁ ଓଡିଶା ଖବର:
