ଅର୍ଗସ ବ୍ୟୁରୋ:  କାଦୁଅ ରାସ୍ତା ଦେଲା ଯନ୍ତ୍ରଣା। ରାସ୍ତା ନଥିବାରୁ ଗାଁକୁ ଆମ୍ବୁଲାନ୍ସ ଆସିବନି କହି ମନା କରି ଦେଇଥିଲା। ପୁଣି ଖଟିଆରେ ବୁହା ହେଲେ ରୋଗୀ । କେନ୍ଦୁଝର ଖୁଂଟା ବ୍ଲକ ମହ୍ଲାରପଦା ବଢେଇପହଁରା ଉପରସାହି ଅଞ୍ଚଳରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା । ଉପରସାହିର ଯୋଗେନ୍ଦ୍ର ସିଂଙ୍କୁ ଜ୍ବର ଏବଂ ବାନ୍ତି ଲାଗି ରହିଲା । ଅବସ୍ଥା ଗୁରୁତର ହେବାରୁ ପରିବାର ଲୋକେ ତାଙ୍କୁ ଡାକ୍ତରଖାନା ନେବା ପାଇଁ ୧୦୮ ଆମ୍ବୁଲାନ୍ସକୁ ଫୋନ କରିଥିଲେ । ହେଲେ ଗାଁକୁ ରାସ୍ତା ନଥିବାରୁ ଆମ୍ବୁଲାନ୍ସ ଆସି ପାରି ନଥିଲା।

ଶେଷରେ ପରିବାରଲୋକ ଏକ ଖଟିଆରେ ଗୁରୁତର ଯୋଗେନ୍ଦ୍ରଙ୍କୁ କାଦୁଅ ଭର୍ତି ରାସ୍ତାରେ ଏକ କିଲୋମିଟର ବୋହି ଆମ୍ବୁଲାନ୍ସ ନିକଟରେ ପହଂଚାଇଥିଲେ। ପରେ ଆମ୍ବୁଲାନ୍ସରେ ତାଙ୍କୁ ଉଦଳା ଡାକ୍ତରଖାନା ନିଆ ଯାଇଥିଲା । ଏବେ ତାଙ୍କର ଅବସ୍ଥା ଗୁରୁତର ଥିବାରୁ ସେ ଏବେ ଉଦଳା ଡାକ୍ତରଖାନାରେ ଚିକିତ୍ସାଧୀନ ରହିଛନ୍ତି ।

ଅଧିକ ପଢ଼ନ୍ତୁ ଓଡିଶା ଖବର: