ଅର୍ଗସ ବ୍ୟୁରୋ: ବର୍ବର, ଅମାନବୀୟ। ଦେଖନ୍ତୁ ଏ ହେଉଛି ପୋଲିସ କର୍ମୀଙ୍କ କାଣ୍ଡ । ଜଣେ ଦଳିତ ମହିଳାଙ୍କ ସହ ତାଙ୍କ ନାବାଳିକା ନଣଦକୁ କିପରି ଅତ୍ୟାଚାର କରୁଛି ପୋଲିସ । ଚାନ୍ଦବାଲି ଥାନାକୁ ମିଲି ସେଠୀ ନାମକ ଜଣେ ଦଳିତ ମହିଳା ତାଙ୍କ ସ୍ବାମୀଙ୍କୁ ଭେଟିବାକୁ ଆସିଥିଲେ । ସଂପୃକ୍ତ ମହିଳାଙ୍କ ଛୋଟ ଛୁଆ ଏକ ଚପଲ ଖୋଳକୁ ଧରି ଖେଳୁଥିବା ବେଳେ ମହିଳା ଜଣକ ଚପଲ ଖୋଳକୁ ଥାନା ପରିସର ମଧ୍ୟକୁ ପକାଇ ଦେଇଥିଲେ । ଚପଲ ଖୋଳ କାହିଁକି ଡଷ୍ଟବିନରେ ପକାଇଲେ ସେ ନେଇ ମହିଳାଙ୍କୁ କନେଷ୍ଟବଳ ରବି ସେଠୀ ମାଡ଼ ମାରିଥିଲେ । ଥାନାର ASI ନେପାଳୀ ସାହା ଓ ଦୁଇଜଣ କନେଷ୍ଟବଳ ମହିଳାଙ୍କୁ ଘୋଷାଡ଼ି ଘୋଷାଡ଼ି ମାଡ଼ ମାରି ଲହୁଲୁହାଣ କରିବା ସହ ତାଙ୍କ ନାବାଳିକା ନଣନ୍ଦଙ୍କୁ ମଧ୍ୟ ମାରିବାକୁ ପଛାଇ ନଥିଲେ ।

ଅଭିଯୋଗ ପରେ ପୋଲିସ କଣ କଲା । ହେଡ୍ କ୍ବାଟରକୁ ବଦଳି ହେଲେ ASI ନେପାଳ ସାହା ଓ କନେଷ୍ଟବଳ ରବୀନ୍ଦ୍ର ସେଠୀ, ହୋମଗାର୍ଡ ଡ୍ରାଇଭର କିଶୋର ମହାପାତ୍ର । ଜିଲ୍ଲା ହେଡ୍‌ କ୍ବାଟରକୁ ବଦଳି କଲେ ଭଦ୍ରକ ଏସ୍‌ପି ବରୁଣୁ ଗୁଣ୍ଠୁପାଲି । ଦୁଇଟି କେସ୍‌ ରୁଜୁ କରାଯାଇ ତଦନ୍ତ କରାଯାଉଛି ବୋଲି କହିଛି ପୋଲିସ । ଏଠି ପ୍ରଶ୍ନ, ହେଡକ୍ବାଟର ବଦଳି କରି ଆଣି ଅଭିଯୁକ୍ତ ପୋଲିସ କର୍ମଚାରୀଙ୍କୁ ପନିଶମେଣ୍ଟ ନା ପ୍ରମୋସନ ଦେଲେ ଭଦ୍ରକ ଏସପି । ମହିଳାଙ୍କୁ ଗୋଡାଇ ଗୋଡାଇ ବାଡେଇବା ପରେ ବି କେଉଁ ପ୍ରମାଣ ଅପେକ୍ଷାରେ ଜିଲ୍ଲା ପୋଲିସ ମୁଖିଆ । ଘଟଣାରେ ନିରପେକ୍ଷ ତଦନ୍ତ ସହ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିଛି ଦଳିତ ମହାସଂଘ ଓ ଆମ୍ବେଦକର ଦଳିତ ମଞ୍ଚ।

ପୋଲିସ ଚରିତ୍ରର ପରିବର୍ତ୍ତନ ହେବ ବୋଲି କହିଛନ୍ତି ନୂଆ ମୁଖ୍ୟମନ୍ତ୍ରୀ । ହେଲେ ପୋଲିସର ଏମିତି କାଣ୍ଡକୁ ଦେଖୁଛନ୍ତି ନା ନାହିଁ ପୋଲିସ ମୁଖିଆ । ସଭ୍ୟ ଗଣତନ୍ତ୍ରରେ ଏମିତି କରିପାରିବ ନାହିଁ ପୋଲିସ । ଅଭିଯୁକ୍ତ ପୋଲିସଙ୍କ ବିରୋଧରେ FIR କରି କାହିଁକି ସେମାନଙ୍କୁ ଜେଲ୍ ପଠାଇଲେ ନାହିଁ ଭଦ୍ରକ ଏସ୍‌ପି ତାହା ବଡ଼ ପ୍ରଶ୍ନ। 

ଅଧିକ ପଢ଼ନ୍ତୁ ଓଡ଼ିଶା ଖବର