ଅର୍ଗସ ବ୍ୟୁରୋ:  ଗଞ୍ଜେଇ ଗଛ କାଟିବାକୁ ଯାଇ ହଟହଟା ହେଲା ପୋଲିସ । ଗଛ କାଟିବା ପୂର୍ବରୁ ପାରମ୍ପରିକ ଅସ୍ତ୍ରଶସ୍ତ୍ର ଧରି ପୋଲିସକୁ ଘେରିଲେ ଆଦିବାସୀ । ମାଲକାନଗିରି ଜିଲ୍ଲାରେ  ପୋଲିସ ଓ ଅବକାରୀ ବିଭାଗ ପକ୍ଷରୁ ଗଞ୍ଜେଇ ଗଛ କଟା ଅଭିଯାନ ଆରମ୍ଭ କରାଯାଇଛି । ଗଛ କାଟିବା ଅଭିଯାନରେ ଓର୍କେଲ ପୋଲିସ ଓ dvf ଯବାନ ବାହାରିଥିବାବେଳେ ହଟହଟା ହେବାକୁ ପଡିଛି ।

କୋରୁକୋଣ୍ଡା ବ୍ଲକ ନାକାମାମୁଡ଼ି ପଂଚାୟତ ବାୟାପଡା ଘାଟିରେ ଗଞ୍ଜେଇ ଗଛ କାଟିବା ପାଇଁ ଓର୍କେଲ ଥାନା ର ପୋଲିସ ସହ dvf ଯବାନ ଯାଇଥିଲେ । ଏହି ସମୟରେ ପାରମ୍ପରିକ ଅସ୍ତ୍ରଶସ୍ତ୍ର ଧରି ଯବାନଙ୍କୁ ଘେରିଥିଲେ ଆଦିବାସୀ । ପରିସ୍ଥିତି ଏପରି ହେଲା ଯେ ପୋଲିସ ଜୀବନ ବିକଳରେ ଘଟଣା ସ୍ଥଳରୁ ଦୌଡି ଦୌଡି ଆସିବାକୁ ବାଧ୍ୟ ହୋଇଥିଲେ । ଏହାସହ ଚାଷଉପଯୋଗୀ ଜମି ଦେବାକୁ ଦାବି କରିଥିଲେ ଆଦିବାସୀ ।

ଅଧିକ ପଢ଼ନ୍ତୁ ଓଡିଶା ଖବର: