ଅର୍ଗସ ବ୍ୟୁରୋ:  କନ୍ଧମାଳ ବାଲିଗୁଡ଼ା ବ୍ଲକ ବାଟାଗୁଡା ପଞ୍ଚାୟତର ଗଦ୍ରିଙ୍ଗିଆ 59 ନମ୍ବର ଜାତୀୟ ରାଜପଥ ମୁଖ୍ୟ ରାସ୍ତାରୁ ପାଖାପାଖି 4 କିଲୋମିଟର ଦୂରରେ ରହିଛି ଡାବୁଲୁକିଆ। ଗାଁରେ ବିକାଶ ଏବେବି ସାତ ସପନ । ଗାଁକୁ ନାହିଁ ସବୁଦିନିଆ ପକ୍କା ରାସ୍ତା l ଖାଲଖମା ଭରା କଚ୍ଚା ରାସ୍ତାରେ ଯିବା ଆସିବା କରୁଛନ୍ତି ଅଞ୍ଚଳବାସୀ। ବାଟାଗୁଡା ପଞ୍ଚାୟତର ଡ଼ାବୁଲୁକିଆ ଗାଁରେ 43 ଆଦିବାସୀ ସଂପ୍ରଦାୟର ପରିବାର ବସବାସ କରନ୍ତି। କିନ୍ତୁ ଏ ଗାଁରେ କାହାର ବି ସ୍ଥାୟୀ ଜମିବାଡ଼ି ପଟା କି ଜାତିଗତ ପ୍ରମାଣପତ୍ର ନାହିଁ। ଯଦ୍ବାରା ସ୍ଥାନୀୟ ଆଦିବାସୀ ଛାତ୍ରଛାତ୍ରୀ ମାନେ ଉଚ୍ଚ ଶିକ୍ଷାରୁ ବଞ୍ଚିତ ହେଉଛନ୍ତି।

ଗାଁରେ ରାଜ୍ୟ ସରକାରଙ୍କ ବସୁଧା ଯୋଜନା ଫେଲ ମାରିଛି।  ଆଜି ବି ଏ ଗାଁ ର ମହିଳା ମାନେ ନାଳ ଓ ଚୁଆ ପାଣି ଉପରେ ନିର୍ଭର କରୁଛନ୍ତି। ଗାଁରେ ଦୁଇ ଦୁଇଟି ନଳକୂପ ଅଛି କିନ୍ତୁ ଏହି ନଳକୂପ ପାଣି ପିଇବା ପାଇଁ ଯୋଗ୍ୟ ନୁହେଁ ତେଣୁ ଲୋକେ ଚୂଆ ଓ କୂଅ ଉପରେ ନିର୍ଭର କରୁଛନ୍ତି।

ଅଧିକ ପଢ଼ନ୍ତୁ ଓଡିଶା ଖବର: