ଅର୍ପଣ ଚାଉଳ ଭୋଗ ପ୍ରସ୍ତୁତ ହେଲା ଭଳି ସ୍ଥିତିରେ ନାହିଁ

ଅର୍ଗସ ବ୍ୟୁରୋ: ଭକ୍ତଙ୍କ ଭାବାବେଗ ସହ ଖେଳ । ବିଜେଡି ସରକାରବେଳେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବ ପୂର୍ବରୁ ଅର୍ପଣ ରଥ ବୁଲାଇ ସଂଗ୍ରୁହୀତ ଚାଉଳ ଏବେ ଖତ ଖାଉଛି । ମହାପ୍ରଭୁଙ୍କ ଉଦ୍ଦେଶ୍ୟରେ ରାଜ୍ୟର ବିଭିନ୍ନ ପ୍ରାନ୍ତରୁ ଚାଉଳ ପଠାଇଥିଲେ ଶ୍ରଦ୍ଧାଳୁ । ହେଲେ ଚାଉଳ ମହାପ୍ରସାଦରେ ଲାଗିବ କଣ ପଡି ରହି ପୋକ ଲାଗି ନଷ୍ଟ ହେବାରେ ଲାଗିଛି । ଏବେ ବସ୍ତାରେ ପ୍ୟାକ୍ ହୋଇଥିବା ଅର୍ପଣ ଚାଉଳକୁ ମିଲକୁ ନିଆଯାଇଛି । ପ୍ରାୟ 10 ଲକ୍ଷ କୁଇଣ୍ଟାଲ୍ ଚାଉଳ ନଷ୍ଟ ହୋଇଥିବା କଥା ନିକଟରେ ସ୍ପଷ୍ଟୀକରଣ ଦେଇଥିଲେ ସୁଆର ମହାସୁଆର ନିଯୋଗ । ଭୋଟ୍ ପାଇଁ ହୀନ ରାଜନୀତି କରି ମହାପ୍ରଭୁଙ୍କ ନାଁରେ ଭକ୍ତଙ୍କଠୁ ରଥ ବୁଲାଇ ଚାଉଳ ସଂଗ୍ରହ କରିଥିଲା ତତ୍କାଳୀନ ବିଜେଡି ସରକାର । ଆଉ ଅର୍ପଣ ଚାଉଳ ଭକ୍ତଙ୍କଠାରୁ ସଂଗୃହୀତ ହେଲା ସତ । କିନ୍ତୁ ଏହାକୁ କେମିତି ବ୍ୟବହାରଯୋଗ୍ୟ କରାଯିବ, ସେଥିପାଇଁ ବିସ୍ତୃତ ରୋଡମ୍ୟାପ୍ କରାଯାଇନଥିଲା । ଏହି କାରଣରୁ ୬ ମାସ ମଧ୍ୟରେ ଅର୍ପଣ ଚାଉଳ ନଷ୍ଟ ହେବାକୁ ବସିଛି । ଅର୍ପଣ ଚାଉଳ ଭୋଗ ପ୍ରସ୍ତୁତ ହେଲା ଭଳି ସ୍ଥିତିରେ ନାହିଁ ।

ଅଧିକ ପଢନ୍ତୁ ଭାରତ ଖବର...