ପୁରୀ:  ଭକ୍ତଙ୍କ ଭାବାବେଗ ସହ ସାଂଘାତିକ ଖେଳ । ଅଟୋରେ ମହାପ୍ରଭୁଙ୍କୁ ପଛରେ ବୁଲାଇ ସଂଗ୍ରହ ହୋଇଥିବା ୧୦ ହଜାର କୁଇଣ୍ଟାଲରୁ ଅଧିକ ଚାଉଳରେ ଲାଗିଲାଣି ପୋକ । ମହାପ୍ରଭୁଙ୍କ ଭୋଗ ଲାଗିବା ଯୋଗ୍ୟ ହୋଇନାହିଁ ଗଚ୍ଛିତ ଅର୍ପଣ ଚାଉଳ । ମୁଖ୍ୟ ପ୍ରଶାସକଙ୍କୁ ଭେଟି ଲୋକଙ୍କୁ ଚାଉଳ ବାଣ୍ଟିଦେବା ପାଇଁ ଆଲୋଚନା କରିଛି ସୁଆର ମହାସୁଆର ନିଯୋଗ । ପରିକ୍ରମା ପ୍ରକଳ୍ପ ଲୋକାର୍ପଣ ସମୟରେ ଅର୍ପଣ ଚାଉଳ ନାଁରେ ଦୁଆର ଦୁଆର ବୁଲି ଚାଉଳ ଆଣିଥିଲେ ରାଜ୍ୟ ସରକାର । ମହାପ୍ରଭୁଙ୍କ କାମରେ ଲାଗିବ କହି ତାକୁ ଏଠି ସେଠି ପକାଇ ରଖିଥିଲେ ।

ବିଭିନ୍ନ ଆଡୁ ବିରୋଧ ପରେ ତାକୁ ଶ୍ରୀମନ୍ଦିର ପ୍ରଶାସନ ନିଜ ଦାୟିତ୍ଵକୁ ଆଣିବା ସହ ଭକ୍ତଙ୍କୁ ଖେଚୁଡ଼ି କରି ବାଣ୍ଟିବା ପାଇଁ ଦାୟିତ୍ଵ ନେଇଥିଲା ସୁଆର ମହାସୁଆର ନିଯୋଗ । ବାରମିଶା ଚାଉଳ ଯୋଗୁଁ ସେତେବେଳେ ଦେଖାଦେଇଥିଲା ବିବାଦ । 4 ମାସରେ ମାତ୍ର ଅଢେଇ ହଜାର କୁଇଣ୍ଟାଲ୍ ଖର୍ଚ୍ଚ ହୋଇଥିବାବେଳେ ବାକିଥିବା ୧୦ ହଜାରରୁ ଉର୍ଦ୍ଧ୍ବ କୁଇଣ୍ଟଲ୍ ଚାଉଳ ଏବେ ସମ୍ପୁର୍ଣ୍ଣ ନଷ୍ଟ ହେବା ଆଶଙ୍କା କରିଛି ନିଯୋଗ । ଏଠି ପ୍ରଶ୍ନ- ପଞ୍ଚାୟତ ପିଛା ୨ ଲକ୍ଷ ଟଙ୍କା ଖର୍ଚ୍ଚ କରି କାହିଁକି ଚାଉଳ ସଂଗ୍ରହ କରିଥିଲା ତତ୍କାଳୀନ ବିଜେଡି ସରକାର । ଭକ୍ତଙ୍କ ଭାବାବେଗ ସହ ଖେଳ ଖେଳିବାକୁ କିଏ ଦେଲା ଅଧିକାର ? । ଅର୍ପଣ ଚାଉଳ ଥିଲା କି ବିଜେଡି ସରକାରର ରାଜନୈତିକ ଛୋଟ ଉଦ୍ଦେଶ୍ୟ ? 

ଅଧିକ ପଢନ୍ତୁ  ଓଡ଼ିଶା ଖବର