ଅର୍ଗସ ବ୍ୟୁରୋ: ଅସହାୟ ନିର୍ବାଚିତ ପ୍ରତିନିଧି । ପଞ୍ଚାୟତ ଉନ୍ନତିକରଣ ପାଇଁ ଜମି ନ ମିଳିବାରୁ ତହସିଲଦାରଙ୍କ ଗୋଡ଼ ଧରିଲେ ସରପଞ୍ଚ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ହାଟଡ଼ିହି ତହସିଲ କାର୍ଯ୍ୟାଳୟରେ । ବଞ୍ଚୋ ପଞ୍ଚାୟତର ଉନ୍ନୟନ କାର୍ଯ୍ୟରେ ତହସିଲ କର୍ତ୍ତୃପକ୍ଷ ବାଧକ ସାଜୁଥିବାରୁ ତହସିଲଦାରଙ୍କ ଗୋଡ ଧରି ରିପୋର୍ଟ ପ୍ରଦାନ କରିବାକୁ ନିବେଦନ କରିଛନ୍ତି ସରପଞ୍ଚ ପ୍ରଶାନ୍ତ କୁମାର ରାଉତ । ପ୍ରଶାନ୍ତଙ୍କ ଅଭିଯୋଗ ଅନୁଯାୟୀ, ବଞ୍ଚୋ ପଞ୍ଚାୟତରେ ମିନି ଷ୍ଟାଡିୟମ ନିର୍ମାଣ ପାଇଁ ସରକାର ୪୫ଲକ୍ଷ ଟଙ୍କା ଯୋଗାଇ ଦେଇଛନ୍ତି । ହେଲେ ମିନି ଷ୍ଟାଡିୟମ ନିର୍ମାଣ ହେବାକୁ ଥିବା ଖେଳ ପଡିଆକୁ ଗୋଚର ଜମି ଦର୍ଶାଇ ରାଜସ୍ବ ନିରୀକ୍ଷକ ସ୍ଥାନ ଚିହ୍ନଟ କରିଦେଉ ନାହାନ୍ତି ।

ସେହିପରି ବଞ୍ଚୋଠାରେ ସ୍ବାସ୍ଥ୍ୟ ଉପକେନ୍ଦ୍ର ଓ ମୁଖ୍ୟମନ୍ତ୍ରୀ ସଡ଼କ ଯୋଜନାରେ ଆମ୍ବଗଡ଼ିଆରୁ ମାଉସୀ ମା ମନ୍ଦିର ପର୍ଯ୍ୟନ୍ତ ରାସ୍ତା ନିର୍ମାଣ ପାଇଁ ଜମି ଚିହ୍ନଟ ରିପୋର୍ଟ ଦେବାକୁ ବିଭାଗୀୟ ଅଧିକାରୀ ଚିଠି କରିଥିଲେ ବି ରାଜସ୍ବ ବିଭାଗ ଜାଣିଶୁଣି ବିଳମ୍ବ କରୁଛନ୍ତି । ଏନେଇ ଅନେକବାର ରାଜସ୍ବ ନିରୀକ୍ଷକ ଓ ତହସିଲଦାରଙ୍କୁ ଭେଟି ସରପଞ୍ଚ ଅଭିଯୋଗ କରିଥିଲେ ବି କେହି କର୍ଣ୍ଣପାତ କରୁନାହାନ୍ତି । ତହସିଲଦାର ପଦକ୍ଷେପ ନନେଲେ ଆତ୍ମହୁତିର ଧମକ ଦେଇଛନ୍ତି ସରପଞ୍ଚ ।

ଅଧିକ ପଢ଼ନ୍ତୁ ଓଡିଶା ଖବର: