ପାଣି ଟୋପେ ପାଇଁ ନିଆରା ପ୍ରତିବାଦ କଲେ ଗ୍ରାମବାସୀ

ଅର୍ଗସ ବ୍ୟୁରୋ: ପାଣି ଟୋପେ ପାଇଁ ନିଆରା ପ୍ରତିବାଦ। ବାରମ୍ବାର ଅଭିଯୋଗ କଲେ ବି ଚେଇଁ ସୋଇଛି ପ୍ରଶାସନ। ଏନେଇ ନିଆରା ଭାବେ ପ୍ରତିବାଦ କଲେ ଗ୍ରାମବାସୀ  । ଗରା ବାଲ୍ଟି ଧରି ତରଭା ବ୍ଲକ ସମ୍ମୁଖରେ ମହିଳାମାନେ ଥାଳି ବଜାଇ ପ୍ରତିବାଦ କରିବା ସହିତ ଧାରଣା ଦେଇଛନ୍ତି ।  ତରଭା ବ୍ଲକ ଅନ୍ତର୍ଗତ ସରଗଜ ଗ୍ରାମର ବହୁ ମହିଳା ଏବଂ ପୁରୁଷ ପାନୀୟ ଜଳର ସମସ୍ୟାକୁ ନେଇ ତରଭା ବ୍ଲକ ଘେରାଉ କରିଥିଲେ I 

ଅନୁସାରେ ପ୍ରାୟ ଏକ ବର୍ଷରୁ ଉର୍ଦ୍ଧ ହେବ ସରଗଜ ଗ୍ରାମର ପ୍ରାୟ ଶତକଡା 80 ଭାଗ ଲୋକେ ପାନୀୟ ଜଳ ପାଇବାରୁ ବଞ୍ଚିତ ଅଛନ୍ତି I ବର୍ତ୍ତମାନ ଗ୍ରୀଷ୍ମ ଋତୁ ଆରମ୍ଭ ହେଉଥିବା ବେଳେ ଆଗକୁ ଆହୁରି ପାନୀୟ ଜଳର ସଙ୍କଟ ଦେଖାଦେବ। ଏ ନେଇ ଗ୍ରାମୀଣ ଜଳ ଯୋଗାଣ ଅଧିକାରୀ ତଥା ତରଭା ବ୍ଲକ ପ୍ରଶାସନକୁ ବାରମ୍ବାର ଜଣାଇଲା ପରେ ମଧ୍ୟ ସେମାନଙ୍କ କଥା କୌଣସି ଅଧିକାରୀ ଶୁଣୁନଥିବା ଅଭିଯୋଗ ହୋଇଛି I

ଏହାର ଫଳ ସ୍ୱରୂପ ଆଜି ବାଜା ଗାଜା ସାଙ୍ଗକୁ ହାତରେ ଥାଳ, ଗରିଆ, ବାଲଟି ଧରି ଅଭିନବ ଉପାୟରେ ନିଜର ସମସ୍ୟାକୁ ପ୍ରଶାସନ ଆଗରେ ଉପସ୍ଥାନ କରିଛନ୍ତି ସରଗଜ ଗ୍ରାମବାସୀମାନେ I ଦୀର୍ଘ ସମୟ ଧରି ଥାଳ ବଜାଇ ମହିଳା ଓ ପୁରୁଷମାନେ ବିଭିନ୍ନ ସ୍ଲୋଗାନ ଦେଇଥିଲେ I ଧାରଣା ସ୍ଥଳରେ ବିଡିଓଙ୍କ ଅନୁପସ୍ଥିତି ରହିଥିବ ବେଳେ rwss କନିଷ୍ଠ ଯନ୍ତ୍ରୀ ରବୀନ୍ଦ୍ର କୁମାର ସାହୁ ଖୁବ ଶୀଘ୍ର ପାନୀୟ ଜଳ ଯୋଗାଣର ସୁବିଧା କରାଯିବାର ପ୍ରତିଶୁତି ଦେବାପରେ ସମସ୍ତେ ଧାରଣାରୁ ଓହରିଥିଲେ। 

ଅଧିକ ପଢ଼ନ୍ତୁ ଓଡ଼ିଶା ଖବର