କେନ୍ଦୁଝର: ଶୌଚ ହେବାକୁ ଯାଇ ପୋଖରୀରେ ବୁଡ଼ିଗଲେ ଯୁବକ । ଏଭଳି ଅଭାବନୀୟ ଘଟଣା ଘଟିଛି ଯୋଡ଼ା ଥାନା, କଣ୍ଡରା ଗାଁ ରେ । ମୃତ ଯୁବକ ସୋନୁ ନାଏକ । ଆଜି ସକାଳୁ ସେ ଦାନ୍ତ କାଠି, ଗାମୁଛା ଧରି ଗାଁ ପୋଖରୀକୁ ଶୌଚ ପାଇଁ ଯାଇଥିଲେ ।  ତେବେ ସେ କେତେବେଳେ ଏବଂ କେଉଁ ପରିସ୍ଥତିରେ ପୋଖରୀରେ ବୁଡ଼ି ମୃତ୍ୟୁବରଣ କଲେ ତାହା ଜଣାପଡ଼ିନାହିଁ ।

ଗାଁର କିଛି ଛୋଟ ପିଲା ପ୍ରଥମେ ମୃତଦେହକୁ ପୋଖରୀରେ ଦେଖି ଗ୍ରାମବାସୀଙ୍କୁ ଜଣାଇଥିଲେ । ଏନେଇ ପୋଲିସକୁ ଖବର ଦିଆଯିବାପରେ ଯୋଡ଼ା ପୋଲିସ୍  ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି । ତେବେ ପୋଖରୀର ଜଳ ସ୍ତର କମ୍ ରହିଥିବା ସତ୍ତ୍ୱେ ଯୁବକ ଜଣକ କିପରି ପାଣିରେ ବୁଡ଼ି ପ୍ରାଣ ହରାଇଲେ ତାହା ସ୍ପଷ୍ଟ ହୋଇପାରିନାହିଁ । ଶବ ବ୍ୟବଚ୍ଛେଦ ରିପୋର୍ଟ ଆସିଲାପରେ ମୃତ୍ୟୁ ପଛର ପ୍ରକୃତ କାରଣ ଜଣାପଡ଼ିବ ବୋଲି ପୋଲିସ କହିଛି । 

ଅଧିକ ପଢନ୍ତୁ ଓଡ଼ିଶା ଖବର