ଅର୍ଗସ ବ୍ୟୁରୋ: ମୁକୁଳା ଡ୍ରେନରେ ପଡ଼ି ଯୁବକ ଗୁରୁତର । ଆଖି ଭିତରକୁ ପଶିଲା ଲୁହା ରଡ଼ । ଗୁରୁତର ଅବସ୍ଥାରେ ଧଳପୁର ମେଡ଼ିକାଲରେ ଭର୍ତ୍ତି କଲେ ସ୍ଥାନୀୟ ବାସିନ୍ଦା। ହରଭଙ୍ଗା ଥାନା ଧଳପୁର ପୂର୍ତ୍ତ ବିଭାଗ ରାସ୍ତାର ଡ୍ରେନରେ ପଡିଲେ ଯୁବକ । ବାରମ୍ବାର ଅଭିଯୋଗ ପରେ ମୁକୁଳା ଡ୍ରେନରେ ପଡୁ ନ ଥିଲା ପ୍ଲେଟ। ପୂର୍ତ୍ତ ବିଭାଗକୁ ଦାୟୀ କଲେ ସ୍ଥାନୀୟ ବାସିନ୍ଦା।

ସୂଚନାମୁତାବକ ପୂର୍ତ୍ତ ବିଭାଗ ପକ୍ଷରୁ ଧଳପୁରରେ ନୂତନ ରାସ୍ତା ନିର୍ମାଣ ଚାଲିଥିଲା । ଦୀର୍ଘଦିନ ହେଲା ରାସ୍ତା ନିର୍ମାଣ ସରିଛି ହେଲେ ଡ୍ରେନ ଗୁଡିକ ମୁକୁଳା ପଡିଛି । ବିଭାଗ ପକ୍ଷରୁ ପ୍ଲଟ ପଡି ନାହିଁ ଯାହାଫଳରେ ଆଜି ଏକ ବଡ ଦୁର୍ଘଟଣା ଘଟିଛି । ରାସ୍ତା ଦେଇ ଜଣେ ଯୁବକ ସାଇକେଲ ନେଇ ଯାଉଥିବା ବେଳେ ଅନ୍ୟପଟେ ଏକ ଟ୍ରକ ଆସି ଯୁବକଙ୍କୁ ସାଇଡ ମାରିଥିଲା ଯାହାଫଳରେ ଯୁବକ ଜଣକ ଭାରସାମ୍ୟ ହରାଇ ଡ୍ରେନରେ ପଡି ଯାଇଥିଲେ । ଯାହାଫଳରେ ଯୁବକଙ୍କ ଆଖିରେ ଡ୍ରେନର ଲୁହା ରଡ଼ ପଶି ଯାଇଥିଲା। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଧଳପୁର ଡାକ୍ତରଖାନାରେ ଭର୍ତ୍ତି କରିଥିଲେ ।

ତେବେ ଗୁରୁତର ଯୁବକଙ୍କ ପରିଚୟ ଏଯାଏ ମିଳିପାରି ନାହିଁ । ଅନ୍ୟପଟେ ମୁକୁଳା ଡ୍ରେନ ଯୋଗୁଁ ଏଭଳି ଗୋଟିଏ ଘଟଣା ନୁହେଁ ଆଗରୁ ମଧ୍ୟ ବହୁ ଛୋଟବଡ ଦୁର୍ଘଟଣା ଘଟୁଛି । ତେଣୁ ବିଭାଗ ତୁରନ୍ତ ଡ୍ରେନ କଭର କରିବା ସହ ଆହତ ଯୁବକଙ୍କୁ କ୍ଷେତିପୂରଣ ଦେବା ପାଇଁ ଗ୍ରାମବାସୀ ଅଭିଯୋଗ କରିଛନ୍ତି।

ଅଧିକ ପଢ଼ନ୍ତୁ ଓଡ଼ିଶା ଖବର

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV