ଅର୍ଗସ ବ୍ୟୁରୋ: ମହିଳାଙ୍କୁ ସୁରକ୍ଷା ଯୋଗାଇବାରେ ବିଫଳ ମମତା ସରକାର । କୋଲକାତାର ମହିଳା ଡାକ୍ତରଙ୍କ ସହ ଘଟିଥିବା ଜଘନ୍ୟ ନିର୍ଯାତନା ଘଟଣାକୁ ନେଇ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମନ୍ତବ୍ୟ, ରାଜ୍ୟ ସରକାରଙ୍କ ଚରମ ଅବହେଳା ଓ ଅସମ୍ବେଦନଶୀଳତାକୁ ସ୍ପଷ୍ଟ କରୁଥିବା ଏକ୍ସ ପୋଷ୍ଟରେ ଲେଖିଛନ୍ତି ସିଏମ ମୋହନ ମାଝୀ । ମମତା ବାନାର୍ଜୀ ନିଜେ ଜଣେ ନାରୀ ହୋଇ ବି ମହିଳାଙ୍କୁ ସୁରକ୍ଷା ଦେବାରେ ବିଫଳ। ଅନ୍ୟପଟେ ସେ ଦେଶକୁ ବିଭାଜନ କରିବା ପାଇଁ ପ୍ରୟାସ କରୁଛନ୍ତି । ଦେଶବାସୀ ଉଚିତ ସମୟରେ ଜବାବ ଦେବେ ବୋଲି ଲେଖିଛନ୍ତି ମୁଖ୍ୟମନ୍ତ୍ରୀ । ମମତାଙ୍କ ମନ୍ତବ୍ୟକୁ ଲଜ୍ଜାଜନକ କହିଛନ୍ତି ଆଇନମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଓ ସାଂସଦ ପ୍ରଦୀପ ପୁରୋହିତ।

ମମତାଙ୍କ ଶାସନରେ ପଶ୍ଚିମବଙ୍ଗବାସୀଙ୍କୁ ମିଳୁନି ନ୍ୟାୟ । ହିଂସାକୁ ମମତାଙ୍କ ବୟାନକୁ ଗଣତନ୍ତ୍ର ପ୍ରତି ଉପହାସ ବୋଲି କହିଛନ୍ତି ବିଜେପି ବିଧାୟକ ବାବୁ ସିଂହ । ବିଜେଡି ବି ମମତାଙ୍କୁ ସମାଲୋଚନା କରିଛି। ବିଧାୟକ କଳିକେଶ ସିଂଦେଓ କହିଛନ୍ତି ପଶ୍ଚିମବଙ୍ଗରେ ମହିଳାଙ୍କ ଉପରେ ଘଟୁଥିବା ଅତ୍ୟାଚାର ଉପରେ ରୋକ୍ ଲାଗିବା ଜରୁରୀ`

ଅଭୟା ଘଟଣାକୁ ନେଇ କୋଲକାତାରେ ଅଶାନ୍ତିର ନିଆଁ । ରାଜ୍ୟବ୍ୟାପୀ ଜାରି ରହିଛି ବିକ୍ଷୋଭ ଓ ପ୍ରତିବାଦ । ନିର୍ଯାତନାର ଶିକାର ଝିଅକୁ ନ୍ୟାୟ ବଦଳରେ ମମତା ସରକାର, ଘଟଣାକୁ ନେଇ କରୁଛନ୍ତି ରାଜନୀତି। 

ଅଧିକ ପଢ଼ନ୍ତୁ ଓଡ଼ିଶା ଖବର