ଅର୍ଗସ ବ୍ୟୁରୋ: ରଣଜିତ୍ ରଥ, ବୀାରମହାରାଜପୁରର ବିଜେଡି ନେତା ତଥା ପୂର୍ବତନ ବ୍ଲକ ଚେୟାରମ୍ୟାନ୍ । ପୂର୍ବତନ ବିଧାୟକ ପଦ୍ନନାଭ ବେହେରାଙ୍କ ରାଇଟହାଣ୍ଡ । ପୂର୍ବତନ ମୁଖ୍ୟମନ୍ତ୍ରୀଙ୍କ ଠାରୁ ଆରମ୍ଭ କରି ବିଭିନ୍ନ ନେତାଙ୍କ ସହ ରଣଜିତ ରଥ । ବିଜେପି ନେତା ସୁରଥ ନାଏକ ହତ୍ୟା ମାମଲାରେ ରଣଜିତ୍ ମୁଖ୍ୟ ଅଭିଯୁକ୍ତ । ହେଲେ ପୋଲିସ ତାଙ୍କୁ ଛାଡିଦେଇଥିବାର ହୋଇଛି ଅଭିଯୋଗ । ପରିବାର ଲୋକେ ସିବିଆଇ ତଦନ୍ତ ଦାବି କରି ମୁଖ୍ୟମନ୍ତ୍ରୀଙ୍କ ଦ୍ବାରସ୍ଥ ହୋଇଛନ୍ତି । 10 ଜୁଲାଇରେ ଘଟିଥିଲା ଏଇ ଜଘନ୍ୟ କାଣ୍ଡ। ବୀରମହାରାଜପୁର ଫୁଲଚରା ଗାଁର ସୁରଥ ନାୟକ ନିଖୋଜ ହୋଇଗଲେ । ଏକ କୂଅ ଭିତରୁ ମିଳିଥିଲା ସୁରଥଙ୍କ ମୃତଦେହ । ପୋଲିସ ପ୍ରଥମେ ଏତଲା ରଖିନଥିଲା । ପରିବାର ଲୋକଙ୍କ ଅଭିଯୋଗ ରଂଜିତ ରଥ ତାଙ୍କ ବାପାଙ୍କ ହତ୍ୟାର ମାଷ୍ଟର ମାଇଣ୍ଡ। ହେଲେ ପୋଲିସ ତାକୁ ଛାଡିଦେଲା । ତେବେ ହତ୍ୟାର କଣ କାରଣ ।

ଅଭିଯୋଗ ହୋଇଛି ବିଭିନ୍ନ ବିକାଶମୂଳକ କାମରେ ଦୁର୍ନିତୀ କରୁଥିଲେ ପୂର୍ବତନ ବ୍ଲକ ଚେୟାରମ୍ୟାନ୍ ରଂଜିତ ରଥ। ସୁରଥ ତାର ପର୍ଦ୍ଦାଫାଶ୍ କରିଥିଲେ। ସେବେଠାରୁ ରଂଜିତ ଓ ତାଙ୍କ ଲୋକମାନେ ସୁରଥଙ୍କୁ ହତ୍ୟା ଧମକ ଦେଉଥିଲେ। ଆଗରୁ ବିଜେଡିରେ ଥିଲେ ସୁରଥ ନାଏକ। ହେଲେ ବିଜୁ ଜନତା ଦଳ ନେତାଙ୍କ ଅନ୍ୟାୟ ଓ ଦୁର୍ନିତୀକୁ ଗ୍ରହଣ ନ କରିପାରି ବିଜେପିରେ ସାମିଲ ହୋଇଥିଲେ ସୁରଥ। ଯାହାକୁ ନେଇ ସୁରଥଙ୍କୁ ବିଜେଡି ନେତାମାନେ ଧମକାଉଥିବାର ଅଭିଯୋଗ ହୋଇଛି।ଅଭିଯୋଗ ଅନୁସାରେ ମୁହଁ ବନ୍ଦ ରଖିବାକୁ ବାରମ୍ବାର ଧମକାଉଥିଲେ ରଣଜିତ ଓ ତାଙ୍କ ଲୋକ। ମୋଟା ଅଙ୍କର ଅର୍ଥ ବି ଯାଚିଥିଲେ। ହେଲେ ସୁରଥ ତାକୁ ଗ୍ରହଣ କରିନଥିଲେ।

2021ରେ ମାହାଙ୍ଗାରେ ଘଟିଥିଲା ଠିକ୍ ଏଇଭଳି ହତ୍ୟାକାଣ୍ଡ । ଆବାସ କେଳେଙ୍କାରୀର ପୋଲ୍ ଖେଲିଦେଲେ ବୋଲି ବିଜେପି ନେତା କୁଳମଣି ବରାଳ ଓ ଦିବ୍ୟସିଂହ ବରାଳଙ୍କର ହୋଇଥିଲା ମର୍ଡର । ହତ୍ୟାକାଣ୍ଡରେ ମୁଦାଲା ନମ୍ବର 13 ଥିଲେ ସେତେବେଳର ଆଇନମନ୍ତ୍ରୀ ପ୍ରତାପ ଜେନା। ପୋଲିସ ପ୍ରତାପଙ୍କ ନାଁ କାଟିଦେଇଥିଲା। ତେବେ କୋର୍ଟଙ୍କ ନିର୍ଦ୍ଦେଶରେ ପ୍ରତାପଙ୍କ ନାଁରେ ଲାଗିଛି ଦଫା 302 । ଏବେ ପୁଣି ବୀରମହାରାଜପୁରରେ ଘଟିଛି ସମାନ ଘଟଣା।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more