କଟକ: କଟକ ଏସସିବି ମେଡିକାଲର ଓରାଲ ମେଡିସିନ ଓ ରେଡ଼ିଓଲୋଜି, ଡେଣ୍ଟାଲ ବିଭାଗରେ ମିଳିତ ସହଯୋଗରେ ଆସନ୍ତା ୮,୯ ଓ ୧୦ ତିନିଦିନ ବ୍ୟାପୀ ମେଡିକାଲ କଲେଜ ଏବଂ ହସ୍ପିଟାଲର ୨୧ ତମ ନେସନାଲ ଟ୍ରିପଲ ସିମ୍ପୋଜିଅମ୍ ସମ୍ମିଳନୀ ଅନୁଷ୍ଠିତ ହେବ । ତେବେ ଏହି ସମ୍ମିଳନୀର ମୁଖ୍ୟ ବିଷୟବସ୍ତୁ ଓରାଲ ମେଡିସିନ ଓ ରେଡିଓଲୋଜି, ଓରାଲ ପଥୋଲଜି ଏବଂ ଓରାଲ୍ ସର୍ଜରୀ କ୍ଷେତ୍ରରେ ଏକ ନୂତନ ଓ ଉଚ୍ଚତମ ଦିଗକୁ ପ୍ରେରିତ କରିପାରିବ ।

ଯାହା ଭବିଷ୍ୟତରେ ମୁଖ କର୍କଟ ତଥା ତମାଖୁ ମୁକ୍ତ ଭାରତ ବର୍ଷ ଗଢିବାରେ ସହାୟକ ହେବ । ଏହି ମୁଖ୍ୟ ଟ୍ରିପଲ ସମ୍ମିଳନୀରେ ଅନେକ ପାଠ୍ୟକ୍ରମର ଆୟୋଜନ କରାଯାଇଛି । ପ୍ରତ୍ୟେକ ଦିନ ମୁଖ କର୍କଟ, ତମାଖୁ ମୁକ୍ତ ଭବିଷ୍ୟତ ଗଠନରେ ବିଶ୍ବସ୍ତରୀୟ ନିଷ୍ପତି ଭଳି ଗଭୀର ଆଲୋଚନା ମଧ୍ୟ ଅନୁଷ୍ଠିତ ହେବ ।

ଏହି ସମ୍ମିଳନୀରେ ହଜାରରୁ ଉର୍ଦ୍ଧ୍ୱ ଦେଶ ବିଦେଶରୁ ବିଶେଷଜ୍ଞ ଯୋଗ ଦେବେ । ଯାହା ତାଙ୍କର ଅଭିଜ୍ଞତାକୁ ଡାକ୍ତରୀ ଛାତ୍ରଛାତ୍ରୀ ଓ ସମାଜ ନିକଟରେ ପହଞ୍ଚାଇ ପାରିବ । ଅଧିକନ୍ତୁ ଅଂଶଗ୍ରହଣକାରୀମାନେ ଜ୍ଞାନ ଓ ପ୍ରଯୁକ୍ତି ବିଦ୍ୟାଶୈଳୀରେ ଅନୁଧ୍ୟାନ କରିପାରିବେ ଯେପରିକି CBCT, 3D ପେଣ୍ଟିଂ, ମାକ୍ସିଲୋଫେସିଆଲ କ୍ଷେତ୍ରରେ ଲେଜର ସର୍ଜରୀ ଏବଂ ଗାଇଡ୍ ଇମ୍ପାଲାଣ୍ଟସର୍ଜରୀ ତଥା ଆଧୁନିକ ଦନ୍ତ ଚିକିତ୍ସାର ଏକ ଗୁରୁତ୍ତ୍ୱପୂର୍ଣ୍ଣ ଦିଗ ମଧ୍ୟ ଏହି ସମ୍ମିଳନୀରେ ରହିବ ।

ଅଂଶ୍ରହଣକାରୀଙ୍କ ମୂଲ୍ୟବାନ ଜ୍ଞାନ ହାସଲ ତଥା ଚିକିତ୍ସା ପୂର୍ବରୁ ଦକ୍ଷତା ବୃଦ୍ଧି କରିବା ଏବଂ ଏକ ସୁସ୍ଥ,ସୂଚନା ବିଶିଷ୍ଟ ଦନ୍ତ ସମାଜ ସୃଷ୍ଟି କରିବା ଏହି ସମ୍ମିଳନୀର ମୁଖ୍ୟ ଲକ୍ଷ୍ୟ ରହିବ ବୋଲି କହିଛନ୍ତି ବିଭାଗୀୟ ମୁଖ୍ୟ ।

ଆହୁରି ପଢନ୍ତୁ ଓଡିଶା ଖବର...

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV