ନୂଆପଡା: ବିଜେଡି ଟିକେଟ ପାଇଁ ଟଣାଓଟରା । ଖଡ଼ିଆଳ ନିର୍ବାଚନ ମଣ୍ଡଳୀରେ ନୂଆ ଟ୍ଵିଷ୍ଟ । ପଦାରେ ପଡୁଛି ବିଜେଡିର ଟିକେଟ କଳି । ଆଗରୁ ପ୍ରେସ୍ ମିଟ୍ ଜରିଆରେ ଆଉ ଏବେ ବିଜୁ ଜୟନ୍ତୀ ସଭାରେ ବିଜେଡି ଟିକେଟ୍ ନେଇ ଗର୍ଜିଲେ ବିଜେଡି ନେତା । ବିଜେଡି ଲବି ନେଇ ଖଡ଼ିଆଳ କଂଗ୍ରେସ ବିଧାୟକ ଉପରେ ବର୍ଷିଲେ ବିଜେଡି ନେତା ଲମ୍ବୋଦର ନିଆଲ ।

ଖଡ଼ିଆଳରେ ବିଜେଡି ଟିକେଟ୍ ପାଇଁ ଘମାଘୋଟ ଲଢେଇ । ବିଜେଡି ଟିକେଟ ଲବି ନେଇ ବିଜୁ ଜୟନ୍ତୀ ସଭାରେ ଖଡ଼ିଆଳ ବିଧାୟକ ଅଧୀରାଜ ପାଣିଗ୍ରାହୀଙ୍କ ଉପରେ ଖୁଲମଖୁଲା ବର୍ଷିଛନ୍ତି ବରିଷ୍ଠ ବିଜେଡି ନେତା ଲମ୍ବୋଦର ନିଆଲ । ପରାଜୟ ଭୟରେ କଂଗ୍ରେସ ଛାଡି ବିଜେଡି ଯିବାକୁ ଲବି ରଖିଛନ୍ତି ବିଧାୟକ ବୋଲି ବର୍ଷଛନ୍ତି ବିଜେଡି ନେତା ଲମ୍ବୋଦର ନିଆଲ । ସେପଟେ ବିଧାୟକ ଅଧୀରାଜ ପାଣିଗ୍ରାହୀ ଲାଗି ହିଁ ଅଞ୍ଚଳରେ ବିକାଶ ହୋଇଛି ବୋଲି ବିଜେଡି ନେତା ଉପରେ ବର୍ଷିଛନ୍ତି କଂଗ୍ରେସ କର୍ମୀ । 

ସେପଟେ କଂଗ୍ରେସ କର୍ମୀ କହିଲେ ଅଞ୍ଚଲ ରେ ଯାହା ବିକାଶ ହୋଇଛି ଖଡ଼ିଆଳ ବିଧାୟକ ପାଇଁ l ନୂଆପଡା ଜିଲ୍ଲା ସିନାପାଲି ଠାରେ ବିଜେଡି ଦଳ ପକ୍ଷରୁ ବିଜୁ ଜୟନ୍ତୀ ପାଳନ ହୋଇଛି । ଆଉ ଏହି ସଭାରେ ଜିଲ୍ଲାର ବରିଷ୍ଠ ବିଜେଡି ନେତା ଲମ୍ବୋଦର ନିଆଲ ଭାଷଣ ଦେବା ସମୟରେ ଖଡ଼ିଆଳର କଂଗ୍ରେସ ବିଧାୟକ ଅଧୀରାଜ ପାଣିଗ୍ରାହୀ ଉପରେ ଖୋଲା ଖୋଲି ଭାବେ ବର୍ଷିଛନ୍ତି । ସେ କହିଛନ୍ତି ଖଡ଼ିଆଳ କଂଗ୍ରେସ ବିଧାୟକ ବିଜେଡି ଟିକେଟ ପାଇଁ ଲବି ଲଗାଇଛନ୍ତି । ଆମେ ବିଜେଡିକୁ ମଜବୁତ କରିବା ପାଇଁ ଖଟୁଛୁ ତେଣୁ ଅନ୍ୟ ଦଳର ଆମଦାନୀ ନେତାଙ୍କୁ ବିଜେଡିରେ ଜାଗା ନାହିଁ । 5 ବର୍ଷ ଭିତରେ ଲୋକଙ୍କ ପାଖକୁ ଯାଇନାହାନ୍ତି ଖଡ଼ିଆଳ ବିଧାୟକ ଏବଂ କିଛି କାମ କରି ନାହାନ୍ତି । ହେଲେ ଏବେ ଖଡ଼ିଆଳ ବିଧାୟକ ଅଧୀରାଜ ପାଣିଗ୍ରାହୀ ହାରିବା ଭୟରେ କଂଗ୍ରେସ ଛାଡି ବିଜେଡିକୁ ଯିବା ପାଇଁ ଲବି ରଖି ଟିକେଟ ଆଶା ରଖିଛନ୍ତି । ଆଉ ଦମ ଅଛି ତ ଖଡ଼ିଆଳ ବିଧାୟକ କଂଗ୍ରେସରୁ ଖଡ଼ିଆଳରେ ଉଠି ଜିତିକି ଦେଖାନ୍ତୁ ବୋଲି ଖୁଲୁମ ଖୁଲା ବର୍ଷିଛନ୍ତି ବିଜେଡି ନେତା ଲମ୍ବୋଦର ନିଆଲ । 

ଖଡ଼ିଆଳ ନିର୍ବାଚନ ମଣ୍ଡଳୀରେ ବିଜେଡି ଟିକେଟ କଳି ସରୁ ନଥିବାବେଳେ, ବିଧାୟକ ଉପରେ ବିଜେଡି ନେତାଙ୍କ ଚ୍ୟାଲେଞ୍ଜ ନୂଆ ଟ୍ଵିଷ୍ଟ୍ ଆଣିଛି ।

ଆହୁରି ପଢନ୍ତୁ ରାଜନୀତି ଖବର...