ଅର୍ଗସ ବ୍ୟୁରୋ: ଶରଧା ବାଲିରେ ତିନି ରଥ । ଆଜି ଦିନ ସାରା ରଥ ଉପରେ ଚତୁର୍ଦ୍ଧାମୂର୍ତ୍ତିଙ୍କୁ ଦର୍ଶନ କରିପାରିବେ ଭକ୍ତ । ଆଜି ସଂଧ୍ୟାରେ ହେବ ପହଣ୍ଡି । ଗୁଣ୍ଡିଚା ମନ୍ଦିରକୁ ବିଜେ କରିବେ ବଳଭଦ୍ର, ସୁଭଦ୍ରା, ଜଗନ୍ନାଥ ଓ ଚକ୍ରରାଜ ସୁଦର୍ଶନ । ପ୍ରାୟ ପାଞ୍ଚ ଦଶନ୍ଧି ପରେ ଏଥର ଶ୍ରୀକ୍ଷେତ୍ରରେ ଦେଖିବାକୁ ମିଳିଛି ଅନନ୍ୟ ପରମ୍ପରା। ଦୁଇ ଦିନିଆ ରଥଯାତ୍ରାକୁ ନେଇ ପ୍ରଫୁଲ୍ଲିତ ଭକ୍ତ । ଲାଗିଛି ଅଗଣିତ ଭକ୍ତଙ୍କ ଗହଳି। ପ୍ରଥମ ଦିନରେ ପହଣ୍ଡି ବିଜେ ସହ ବଡ଼ଦାଣ୍ଡରେ ମାତ୍ର କିଛି ବାଟ ହିଁ ଟଣା ହୋଇଥିଲେ ତିନି ରଥ। ଦ୍ବିତୀୟ ଦିନରେ ଭକ୍ତଙ୍କ ଗହଣରେ ବଡ଼ ଭାଇ ଓ ଭଉଣୀଙ୍କ ପଛେ ପଛେ ଗୁଣ୍ଡିଚା ମନ୍ଦିର ନିକଟରେ ପହଞ୍ଚିଛନ୍ତି ଜଗତ ଠାକୁର।

ଅଧିକ ପଢ଼ନ୍ତୁ ଓଡିଶା ଖବର: