ଆଜି ପୀଠରେ ମା ଦୁର୍ଗାଙ୍କ ସପ୍ତମୀ ପୂଜା ଚାଲିଥିବାବେଳେ ମଣ୍ଡପରେ ମାଙ୍କ ଷଷ୍ଠୀ ପୂଜା ଜାରି ରହିଛି

ଅଗର୍ସ ବ୍ୟୁରୋ: ନବରାତ୍ରୀକୁ ନେଇ ଉତ୍ସବମୁଖର ରାଜ୍ୟ । ଆଜି ପୀଠରେ ମା ଦୁର୍ଗାଙ୍କ ସପ୍ତମୀ ପୂଜା ଚାଲିଥିବାବେଳେ ମଣ୍ଡପରେ ମାଙ୍କ ଷଷ୍ଠୀ ପୂଜା ଜାରି ରହିଛି । ବାଙ୍କୀର ପ୍ରସିଦ୍ଧ ମା ଚର୍ଚ୍ଚିକାଙ୍କ ପୀଠରେ ନବରାତ୍ର ପୂଜାକୁ ନେଇ ଶ୍ରଦ୍ଧାଳୁଙ୍କ ଭିଡ଼ ଲାଗି ରହିଛି । ରାଜ୍ୟର କୋଣଅନୁକୋଣରୁ ଛୁଟିଛି ଭକ୍ତଙ୍କ ସୁଅ । ମାଙ୍କ ଦୁର୍ଲ୍ଲଭ ଦର୍ଶନ କରୁଛନ୍ତି ଶ୍ରଦ୍ଧାଳୁ। ପୀଠରେ ସପ୍ତମ ଦିନରେ ପହଞ୍ଚିଛି ମାଙ୍କ ନବରାତ୍ର ପୂଜା । ସ୍ୱତନ୍ତ୍ର ନୀତିକାନ୍ତି ରେ ଚାଲିଛି ମାଙ୍କ ପୂଜାଅର୍ଚ୍ଚନା । ଆଜି କାଳରାତ୍ରୀ ବେଶରେ ଭକ୍ତଙ୍କୁ ଦେଉଛନ୍ତି ମହାମାୟା । ନୀତି ଅନୁସାରେ ମହାନଦୀରୁ ସେବାୟତଙ୍କ ଦ୍ୱାରା 108 ଗରା ଜଳରେ ମାଙ୍କୁ ସ୍ନାନ କରାଯାଇଥାଏ । ମାଙ୍କ କାଳରାତ୍ରୀ ବେଶ ଦର୍ଶନ କଲେ କୋଟି ଜନ୍ମର ପୁଣ୍ୟ ମିଳିବା ସହ ମନୋକାମନା ପୂରଣ ହୋଇଥାଏ ବୋଲି ବିଶ୍ବାସ ରହିଛି । 

ଅଧିକ ପଢନ୍ତୁ ଓଡିଶା ଖବର...