ଅର୍ଗସ ବ୍ୟୁରୋ: ରାଜ୍ୟରେ ସୁଭଦ୍ରା ଯୋଜନାକୁ ନେଇ ବଢୁଛି ଉତ୍ସାହ । ଆଜି ସାରା ରାଜ୍ୟରେ ଚାଲିଛି ସୁଭଦ୍ରା ସ୍ବାଗତ ପଦଯାତ୍ରା । ରାଜଧାନୀର ୟୁନିଟ-୩ ଗିରିଦୁର୍ଗାଠୁ ରମାଦେବୀ ବିଶ୍ଵବିଦ୍ୟାଳୟ ଛକ ପର୍ଯ୍ୟନ୍ତ ସୁଭଦ୍ରା ସ୍ବାଗତ ପଦଯାତ୍ରା କରାଯାଇଛି । କାର୍ଯ୍ୟକ୍ରମରେ ଦୁଇ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା, କେ.ଭି ସିଂଦେଓ ଓ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ସାମିଲ୍ ହୋଇଥିଲେ । 

ଓଡ଼ିଶାର ପ୍ରତ୍ୟେକ ରାଜସ୍ଵ ଗାଁରେ ଆୟୋଜିତ ହେଉଛି ୧୦ ହଜାର ସୁଭଦ୍ରା ପଦ ଯାତ୍ରା । ଏବେ ସୁଦ୍ଧା ସୁଭଦ୍ରା ଯୋଜନା ପାଇଁ ଆବେଦନ କରିସାରିଲେଣି 60 ଲକ୍ଷରୁ ଉର୍ଦ୍ଧ୍ଵ ମହିଳା, ଆଗକୁ ସଂଖ୍ୟା ଆହୁରି ବଢିବ । ଆସନ୍ତା 17 ତାରିଖରେ ଶୁଭାରମ୍ଭ ହେବ ବହୁ ପ୍ରତୀକ୍ଷିତ ସୁଭଦ୍ରା ଯୋଜନା । ୧୫ ତାରିଖ ଯାଏଁ ଯେଉଁ ମାନେ ଆବେଦନ କରିଥିବେ ସେମାନଙ୍କ ପାଖକୁ ୧୭ ତାରିଖରେ ବ୍ୟାଙ୍କରୁ ପ୍ରଥମ କିସ୍ତି ଯିବ ।
 

ସୁଭଦ୍ରା ଯୋଜନାରେ ୨୧ ବର୍ଷ ବୟସ ପରେ ଆବେଦନ କରି ହେବ