Fire Mishap / ଟୟୋଟା କାର୍ ସର୍ଭିସ୍ ସେଣ୍ଟରରେ ନିଆଁ; ଜଳିଗଲା ୨୫ କାର୍

ବ୍ରହ୍ମପୁର/ଗୋପାଳପୁର: ସକାଳୁ ସକାଳୁ ଭୀଷଣ ଅଗ୍ନିକାଣ୍ଡ । ଜଳିଗଲା କାର୍ ସର୍ଭିସ୍ ସେଣ୍ଟର । ଗଞ୍ଜାମ ଜିଲ୍ଲା ରଙ୍ଗେଈଲୁଣ୍ଡା ବ୍ଲକ ହଳଦୀପଦର ଅଟୋ ନଗରରେ ଥିବା ଲଷ୍ମୀ ଟୟୋଟା ସର୍ଭିସ ସେଣ୍ଟରରେ ଭୟାବହ ଅଗ୍ନିକାଣ୍ଡ ଘଟିଛି ।

ଟୟୋଟା ସର୍ଭିସ୍ ସେଣ୍ଟରରେ ନିଆଁ ଲାଗିବା ଯୋଗୁଁ ସାରା ଅଞ୍ଚଳ ଧୂଆଁମୟ ହୋଇ ପଡ଼ିଛି । ବ୍ରହ୍ମପୁର ଅଗ୍ନିଶମ ବାହିନୀର ୧୫ ଗାଡ଼ି ନିଆଁ ଲିଭାଇବା କାର୍ଯ୍ୟରେ ନିୟୋଜିତ ହୋଇଛନ୍ତି । ରୋବୋଟ ମଧ୍ୟ ନିଆଁ ଲିଭାଇବା କାର୍ଯ୍ୟରେ ସାମିଲ୍ ହୋଇଛି ।

ଏଥିସହ ପଢ଼ନ୍ତୁ: ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ; ଆଣିବ ବଡ଼ ବର୍ଷା, ଉତ୍ତର ଓଡ଼ିଶାରେ ଛେଚିବ 

ମିଳିଥିବା ପ୍ରାଥମିକ ସୂଚନା ଅନୁସାରେ, ନିଆଁ ଲାଗି ପାଖାପାଖି ୨୫ଟି କାର୍ ଜଳି ପୋଡ଼ି ପାଉଁଶ ହୋଇ ଯାଇଛି । କ୍ରେନ୍ ଦ୍ୱାରା ଅଗ୍ନିଶମ ବାହିନୀ କୋଠାର ଗ୍ଲାସ୍ ଭାଙ୍ଗି ନିଆଁ ଲିଭାଇବା କାର୍ଯ୍ୟ ଜାରି ରଖିଛନ୍ତି । ତେବେ କେଉଁ କାରଣରୁ ନିଆଁ ଲାଗିଲା ତାହା ସ୍ପଷ୍ଟ ହୋଇ ନାହିଁ । ସର୍ଟ ସର୍କିଟରୁ ନିଆଁ ଲାଗିଥିବା ସନ୍ଦେହ କରାଯାଉଛି ।

ଅଗ୍ନିଶମ ବାହିନୀର କର୍ମଚାରୀ କହିଛନ୍ତି, "ପ୍ରଥମେ ନିଆଁର ଉତ୍ତାପ ଅଧିକ ରହିଥିଲା । ତେଣୁ ପ୍ରଥମେ ରୋବୋଟ୍‌କୁ ପଠା ଯାଇଥିଲା । ରୋବୋଟ୍ ସ୍ଥିତି ନିୟନ୍ତ୍ରଣ କରିବା ପରେ ଫାୟାର୍ ଫାଇଟର୍ ଭିତରକୁ ଯାଇ ନିଆଁ ଲିଭାଇଥିଲେ । ବଡ଼ ନିଆଁକୁ ନିୟନ୍ତ୍ରଣରେ ରୋବୋଟ୍‌ର ବଡ଼ ଭୂମିକା ରହିଛି ।"

ଏଥିସହ ପଢ଼ନ୍ତୁ: ପୂର୍ବତନ ବିଜେଡି ମନ୍ତ୍ରୀଙ୍କ ପୁଅ ଗିରଫ, ଠକେଇ ଅଭିଯୋଗରେ ନୟାପଲ୍ଲୀ ଘରୁ ବାନ୍ଧିଲା ପୋଲିସ 

ଅନ୍ୟ ଜଣେ ଅଗ୍ନିଶମ କର୍ମଚାରୀ କହିଛନ୍ତି, "ନିଆଁ ଆୟତ୍ତ ବହୁତ ଆହ୍ଵାନପୂର୍ଣ୍ଣ ଥିଲା । କୋଠାଟି ସେନସର୍ ଦ୍ଵାରା ନିୟନ୍ତ୍ରଣ ହେଉଥିଲା । ସର୍ଟର ନ ଖୋଲିବାରୁ କାଚ ଭାଙ୍ଗି ଭିତରକୁ ଯିବାକୁ ପଡ଼ିଥିଲା । ଏବେ ନିଆଁ ଟିକେ ନିୟନ୍ତ୍ରଣକୁ ଆସିଛି ।"

ଅଗ୍ନିଶମ ବାହିନୀର ବରିଷ୍ଠ ଅଧିକାରୀ ବି.କେ ପଣ୍ଡା କହିଛନ୍ତି, "ନିଆଁ ସମ୍ପୂର୍ଣ୍ଣ ଆୟତ୍ତକୁ ଆସିବା ଲାଗି ସମୟ ଲାଗିବ । ନିଆଁ ଲିଭାଇବା ପାଇଁ କୋଠା ଭିତରକୁ ପଶିବା କଷ୍ଟସାଧ୍ୟ ଥିଲା । ରୋବୋଟ୍ ମାଧ୍ୟମରେ ଭିତରେ ଫୋମ୍ ପକାଇ ପ୍ରଥମ ନିଆଁକୁ କିଛି ମାତ୍ରାରେ ନିୟନ୍ତ୍ରଣ କରିବା ପରେ ଫାୟାର୍ ଫାଇଟର୍ ଭିତକୁ ଯାଇଥିଲେ ।"