ଅର୍ଗସ ବ୍ୟୁରୋ: ଦୁର୍ଗମରେ ମହିଳାଙ୍କ ଦକ୍ଷତା ବୃଦ୍ଧି କରୁଛି ସୁଦକ୍ଷା । ସୁଦକ୍ଷା ଯୋଗୁଁ ସ୍ବାବଲମ୍ବୀ ହୋଇପାରୁଛନ୍ତି କୋରାପୁଟ ଜିଲ୍ଲା କୋଟପାଡ଼ ଅଞ୍ଚଳର ଆଦିବାସୀ ମହିଳା । ସୁଦକ୍ଷା ହେଉଛି HALର CSR ପାଣ୍ଠିରେ ନିର୍ମିତ ଏକ ପୋଷାକ ତିଆରି କେନ୍ଦ୍ର । ଯାହାକି 6 ମାସ ହେବ କୋଟପାଡ଼ ସହରରେ ଆରମ୍ଭ ହୋଇଛି । ଏହି ଯୋଜନା ଦ୍ୱାରା ମାଗଣାରେ ସିଲେଇ ଶିଖିପାରିବା ସହ ଓଡିଶା ତଥା ଓଡିଶା ବାହାରକୁ ଯାଇ ଅର୍ଥ ମଧ୍ୟ ରୋଜଗାର କରି ପାରୁଥିବା କହିଛନ୍ତି ମହିଳାମାନେ ।

ଆଜି ଏକ କେନ୍ଦ୍ରୀୟ ଟିମ "ସୁଦକ୍ଷା" ପୋଷାକ ତିଆରି କେନ୍ଦ୍ର ଭିଜିଟ କରିବା ସହ ମହିଳା ମାନଙ୍କ କାର୍ଯ୍ୟକୁ ପ୍ରସଂଶା ମଧ୍ୟ କରିଛନ୍ତି । ପ୍ରଥମେ ମହିଳା ମାନେ ଘର କୋଣରେ ବସି ଘର କାର୍ଯ୍ୟ ଛଡା ଆଉ କିଛି କାମ କରି ପାରୁନଥିଲେ କିନ୍ତୁ କେନ୍ଦ୍ର ସରକାରଙ୍କ ପ୍ରୟାସ ଦ୍ବାରା ଦୁଇ ମାସ ପ୍ରଶିକ୍ଷଣ ପରେ ସେଠାରେ ହିଁ ସିଲେଇ କାମ କରି ମାସକୁ 6 ହଜାର ରୁ 7 ହଜାର ଟଙ୍କା ରୋଜଗାର କରିପାରୁଛନ୍ତି ମହିଳା।

ଦୁଇ କୋଟିରୁ ଉର୍ଦ୍ଧ ଟଙ୍କାରେ ନିର୍ମିତ ଏହି ତାଲିମ ତଥା ପୋଷାକ ଉତ୍ପାଦନ କେନ୍ଦ୍ରକୁ ୩୨ ଜଣ ମହିଳା ପରିଚାଳନା କରୁଥବା ବେଳେ ୬୦ ଜଣ ଶିକ୍ଷାର୍ଥୀ ପ୍ରଶିକ୍ଷଣ ନେଉଛନ୍ତି । ସେପଟେ କୋଟପାଡ଼ ଅଞ୍ଚଳରେ ପୋଷାକ ତିଆରି କେନ୍ଦ୍ର ନିର୍ମାଣ ହୋଇଥିବାରୁ ବୁଣାକାରଙ୍କ ମାନଙ୍କ ପାଇଁ ଏହା ଲାଭପ୍ରଦ ହେବ ବୋଲି କହିଛନ୍ତି କୋଟପାଡ ବୁଣାକାର । ଦୁର୍ଗମରେ ସୁଦକ୍ଷା ମାଧ୍ୟମରେ ମହିଳା ହେଲେ ସ୍ୱାବଲମ୍ବୀ । କେନ୍ଦ୍ର ସରକାରଙ୍କ ପ୍ରଚେଷ୍ଟା ପାଇଁ ନିଜ ଅଞ୍ଚଳରେ ସିଲେଇ କାର୍ଯ୍ୟ କରି ରୋଜଗାର କରୁଛନ୍ତି କୋଟପାଡ଼ ଅଞ୍ଚଳର ମହିଳା ।

ଅଧିକ ପଢ଼ନ୍ତୁ ଓଡିଶା ଖବର:

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV