ଧାନ ଗଦା ଜଗିଥିବାବେଳେ ଶୁଣ୍ଢରେ ଟେକି କଚାଡିଲା ହାତୀ
ଅନୁଗୋଳ: ଅନୁଗୋଳ ଜିଲ୍ଲା ଛେଣ୍ଡିପଦା ବନାଞ୍ଚଳ ମାରୁଢିପ ଗ୍ରାମରେ ହାତୀ ଆକ୍ରମଣରେ ୨ ଜଣ ଚାଷୀ ଗୁରୁତର ଆହତ ହୋଇଛନ୍ତି । ମାରୁଢିପ ଗ୍ରାମର ରତ୍ନାକର ନାଏକ ଓ ନକୁଳ ମାଝୀଙ୍କ ସମେତ ଗ୍ରାମର କିଛି ଚାଷୀ ଗ୍ରାମ ନିକଟସ୍ଥ ଧାନ ବିଲରେ ନିଆଁ ଜାଳି ଧାନ ଜଗି ଥିଲେ । ଏହି ସମୟରେ ମାରୁଢିପ ସଂରକ୍ଷିତ ଜଙ୍ଗଲରୁ ୨ଟି ହାତୀ ହଠାତ ତାଙ୍କ ଆଡ଼କୁ ମାଡି ଆସିଥିଲେ।
ହାତୀକୁ ଦେଖି ଚାଷୀମାନେ ପଳାଇବାକୁ ଉଦ୍ୟମ କରିବାବେଳେ ରତ୍ନାକର ନାଏକ ଓ ନକୁଳ ମାଝୀଙ୍କୁ ହାତୀ ଶୁଣ୍ଢରେ ଫୋପାଡ଼ି ଦେଇଥିଲା । ଫଳରେ ଉଭୟଙ୍କର ବାମ ଗୋଡ଼ ଭାଙ୍ଗି ଯିବା ସହିତ ଉଭୟ ଗୁରୁତର ଆହତ ହୋଇଛନ୍ତି । ହାତୀ ସ୍କୱାର୍ଡ ହାତୀଟିକୁ ଘଉଡ଼ାଇବା ସହିତ ୨ ଗୁରୁତର ଆହତ ଚାଷୀଙ୍କୁ ଉଦ୍ଧାର କରି ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ।
ତେବେ ହାତୀ ଆକ୍ରମଣରେ ରତ୍ନାକର ଓ ନକୁଳ ୨ ଜଣଙ୍କ ଗୋଡ ଭାଙ୍ଗି ଯାଇଥିବାରୁ ଅବସ୍ଥା ଗୁରୁତର ହୋଇପଡିଥିଲା । ଡାକ୍ତର ଉଭୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଛନ୍ତି ।
📱 Get Argus News App
✨ଆହୁରି ପଢନ୍ତୁ ଓଡିଶା ଖବର...