ରଘୁନାଥପୁର ଓଡ଼ପଡ଼ା ଘରୋଇ ମଣ୍ଡପରେ ବିଜେଡିର ଦୁଇ ଗୋଷ୍ଠୀ ମୁହାଁମୁହିଁ
ଜଗତସିଂହପୁର: ତିର୍ତ୍ତୋଲ ନିର୍ବାଚନ ମଣ୍ଡଳୀ ରଘୁନାଥପୁର ଓଡ଼ପଡ଼ା ଘରୋଇ ମଣ୍ଡପରେ ବିଜୁ ଜନତା ଦଳର ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ବିଜେଡ଼ି ଦଳର 200 ପର୍ଯ୍ୟବେକ୍ଷକଙ୍କ ଉପସ୍ଥିତିରେ କାର୍ଯ୍ୟକାରିଣୀ ବୈଠକ ଚାଲିଥିଲା । ଏହି କାର୍ଯ୍ୟକ୍ରମରେ ତିର୍ତ୍ତୋଲ କେଳେଙ୍କାରିଆ ବିଜେଡି ବିଧାୟକ ବିଜୟ ଶଙ୍କର ଦାସ ଯୋଗଦାନ କରିବା ସହିତ ବିଜେଡି ଜିଲ୍ଲା ସଭାପତି ଉପସ୍ଥିତ ରହିଥିଲେ ।
ତେବେ ବୈଠକ ସଭାରେ ଆମ ଓଡ଼ିଶା ନବୀନ ଓଡ଼ିଶା ନାମରେ ଆସିଥିବା ୫୦ ଲକ୍ଷ ଟଙ୍କାକୁ ନେଇ ଝଡ଼ ଆରମ୍ଭ ହୋଇଥିଲା । ଉକ୍ତ ଟଙ୍କାର ହିସାବ ମାଗିଥିଲେ କଟରା ପଞ୍ଚାୟତ ସମିତି ସଭ୍ୟା । ଏହି ଟଙ୍କା କୁଆଡେ଼ ଆଉ କେଉଁ ବାବଦରେ ଖର୍ଚ୍ଚ ହେବା ନେଇ ହିସାବ ମାଗିଥିଲେ । ପରବର୍ତ୍ତୀ ସମୟରେ ଝଡ଼ ଦେଖିବା ପାଇଁ ମିଳିଥିଲା । ପରିସ୍ଥିତି ଏମିତି ହେଲା ବିଜୁ ଜନତା ଦଳର ଦୁଇ ଗୋଷ୍ଠୀ ଠେଲା ପେଲା ହୋଇଥିବା ଦେଖିବା ପାଇଁ ମିଳିଥିଲା ।
ଯାହାଫଳରେ ବିଧାୟକ ବିଜୟ ଶଙ୍କର ଦାସ ଉକ୍ତ ସ୍ଥାନରେ ଚୁପ୍ ରହିଥିବା ଦେଖିବା ପାଇଁ ମିଳିଥିଲା । ତେବେ ବିଜୁ ଜନତା ଦଳରେ ଅନେକ ଅସନ୍ତୁଷ୍ଟ ଥିବା ହେତୁ ଏହିଭଳି ଘଟଣା ଦେଖିବା ପାଇଁ ମିଳିଛି । ପୂର୍ବରୁ ମଧ୍ୟ ତିର୍ତ୍ତୋଲ ବିଜେଡିର ଏହି ଭଳି ଅନେକ ଘଟଣା ଦେଖିବା ପାଇଁ ମିଳିଥିଲା । ତେବେ ଘଟଣାକୁ ନେଇ ଜିଲ୍ଲା ବିଜେଡି ସଭାପତି ତାଙ୍କର ଅସନ୍ତୁଷ୍ଟ କର୍ମୀମାନଙ୍କୁ ନେଇ କିଭଳି ଦଳର ସଂଗଠନ ମଜବୁତ କରି ପାରୁଛନ୍ତି ତାହାକୁ ଅପେକ୍ଷା ।
📱 Get Argus News App
✨ଆହୁରି ପଢନ୍ତୁ ଓଡିଶା ଖବର...