Young Athletes Death / କ୍ରୀଡା ଜଗତରେ ଶୋକର ଛାୟା; ଦୁର୍ଘଟଣାରେ ଦୁଇ ଯୁବ ଆଥଲେଟଙ୍କ ମୃତ୍ୟୁ, ମୁଖ୍ୟମନ୍ତ୍ରୀଙ୍କ ଶୋକ

କଟକ: ଦୁର୍ଘଟଣା ଦୁଇ ଯୁବ ଆଥଲେଟଙ୍କ ମୃତ୍ୟୁ । ସଡ଼କ ଦୁର୍ଘଟଣାରେ ଚାଲିଗଲା ଜୀବନ । କଟକ-ଭୁବନେଶ୍ୱର ଜାତୀୟ ରାଜପଥ ଫୁଲନଖରା ଛକରେ ବୁଧବାର ରାତିରେ ସଡ଼କ ଦୁର୍ଘଟଣାରେ ଦୁଇ ଜଣ ଉଦୀୟମାନ ଯୁବ ଆଥଲେଟ୍‌ଙ୍କ ମୃତ୍ୟୁ ହୋଇଛି । ଏହି ଦୁଃଖଦ ଘଟଣା ସମଗ୍ର କ୍ରୀଡ଼ା ଜଗତକୁ ସ୍ତବ୍ଧ କରିଦେଇଥିବା ବେଳେ ଉଭୟଙ୍କ ପରିବାର ଓ ପରିଜନଙ୍କ ମଧ୍ୟରେ ଶୋକର ଛାୟା ଖେଳିଯାଇଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଧ୍ୟ ଶୋକବ୍ୟକ୍ତ କରିଛନ୍ତି ।

• କ୍ରୀଡା ଜଗତରେ ଶୋକର ଛାୟା

ମର୍ମନ୍ତୁଦ ବାଇକ୍ ଦୁର୍ଘଟଣାରେ ମୃତ୍ୟୁବରଣ କରିଥିବା ଦୁଇ ପ୍ରତିଭାବାନ ଯୁବ କ୍ରୀଡ଼ାବିତ୍ ହେଉଛନ୍ତି ମଳୟ ବାରିକ ଓ ମୃତ୍ୟମ ଜୟରାମ ଦଣ୍ଡପାଟି । ଏହି ଦୁଃଖଦ ଘଟଣା ସମଗ୍ର କ୍ରୀଡ଼ା ଜଗତକୁ ସ୍ତବ୍ଧ କରିଦେଇଥିବା ବେଳେ ଉଭୟଙ୍କ ପରିବାର ଓ ପରିଜନଙ୍କ ମଧ୍ୟରେ ଶୋକର ଛାୟା ଖେଳିଯାଇଛି । ଦୁଇ ଜଣ ଯୁବ କ୍ରୀଡ଼ାବିତ୍‌ଙ୍କ ଏଭଳି ଅକାଳ ବିୟୋଗ କ୍ରୀଡ଼ା ଜଗତ ପାଇଁ ମଧ୍ୟ ଏକ ଅପୂରଣୀୟ କ୍ଷତି । ଏହି ଦୁଃଖଦ ଖବର ପାଇବା ପରେ ଅନେକ କ୍ରୀଡାପ୍ରେମୀ ଶୋକପ୍ରକାଶ କରିଛନ୍ତି ।

• କେମିତି ଘଟିଲା ଦୁର୍ଘଟଣା ?

ସୂଚନା ଅନୁଯାୟୀ, ଗତକାଲି ରାତିରେ ଉଭୟ ଏକ ବୁଲେଟ୍ ମୋଟରସାଇକେଲ୍‌ରେ ଯାଉଥିବା ବେଳେ ଭାରସାମ୍ୟ ହରାଇ ଡିଭାଇଡର୍‌ରେ ପିଟି ହୋଇଯାଇଥିଲେ । ଏଥିରେ ଉଭୟ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ତୁରନ୍ତ ଉଭୟଙ୍କୁ ନିକଟସ୍ଥ କଟକ ବଡ଼ ମେଡିକାଲକୁ ନେଇଥିଲେ । ତେବେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ । ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ବାଇକ୍‌କୁ ହେପାଜତକୁ ନେବା ସହ ମୃତକଙ୍କ ପରିବାରକୁ ସୂଚନା ଦେଇଥିବା ଜଣାପଡ଼ିଛି । ଉଭୟ କଳିଙ୍ଗ ଷ୍ଟାଡିୟମର ହାଇ ପର୍ଫମାନ୍ସ ସେଣ୍ଟରରେ ପ୍ରଶିକ୍ଷଣ ନେଉଥିଲେ ।

Deeply saddened by the tragic demise of athletes Mrutyam Jayaram Dondapati and Malaya Barik in a road accident. Their untimely passing is a profound loss to Odisha’s sporting fraternity. My heartfelt condolences to their bereaved families. May Mahaprabhu Shri Jagannath grant them strength in this difficult time and eternal peace to the departed souls.

— Mohan Charan Majhi (@MohanMOdisha) October 22, 2026

• ଶୋକବ୍ୟକ୍ତ କଲେ ମୁଖ୍ୟମନ୍ତ୍ରୀ

ଦୁର୍ଘଟଣାରେ ଦୁଇ ଓଡ଼ିଆ ଯୁବ ଆଥଲେଟ୍ ମଳୟ ବାରିକ ଓ ମୃତ୍ୟମ୍ ଜୟରାମ ଦଣ୍ଡପାଟିଙ୍କ ଅକାଳ ବିୟୋଗରେ ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ସାମାଜିକ ଗଣମାଧ୍ୟମ ‘X’ ଜରିଆରେ ମୁଖ୍ୟମନ୍ତ୍ରୀ ଲେଖିଛନ୍ତି, "ଏକ ସଡ଼କ ଦୁର୍ଘଟଣାରେ ଆଥଲେଟ୍ ମୃତ୍ୟୁମ୍ ଜୟରାମ ଦଣ୍ଡପାଟି ଏବଂ ମଳୟ ବାରିକଙ୍କ ଦୁଃଖଦ ମୃତ୍ୟୁରେ ଗଭୀର ମର୍ମାହତ । ସେମାନଙ୍କ ଅକାଳ ବିୟୋଗ ଓଡ଼ିଶାର କ୍ରୀଡ଼ା ଜଗତ ପାଇଁ ଏକ ଗଭୀର କ୍ଷତି ।" ଏଥିସହିତ ଶୋକ ସନ୍ତପ୍ତ ପରିବାରବର୍ଗଙ୍କୁ ପ୍ରତି ଗଭୀର ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ । ଏହି କଷ୍ଟକର ସମୟରେ ମହାପ୍ରଭୁ ଶ୍ରୀଜଗନ୍ନାଥ ସେମାନଙ୍କ ପରିବାରକୁ ଶକ୍ତି ଦିଅନ୍ତୁ ଏବଂ ଦିବଂଗତ ଆତ୍ମାକୁ ଅନନ୍ତ ଶାନ୍ତି ଦିଅନ୍ତୁ ବୋଲି ଲେଖି ଦୁଃଖ ଜଣାଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।

• ମୃତ୍ୟମ ଜୟରାମ ଦଣ୍ଡପାଟି

• ମଳୟ ବାରିକ

ମଳୟ ବାରିକ ବରଗଡ଼ ଜିଲ୍ଲାର ଅତାବିରା ଅଞ୍ଚଳର । ରାଜ୍ୟକୁ ଅନେକ ଦୌଡକୁଦ ପ୍ରତିଯୋଗିତାରେ ସେ ଗର୍ବିତ କରିଛନ୍ତି । ସେ ମୁଖ୍ୟତଃ ୪୦୦ ମିଟର ଦୌଡ଼ରେ ଭାଗ ନେଉଥିଲେ । ଓଡ଼ିଶା ରାଜ୍ୟ ବରିଷ୍ଠ ଆଥଲେଟିକ୍ସ ଚାମ୍ପିୟନସିପ୍ ୨୦୨୬ । ପୁରୁଷ ୨୩ ବର୍ଷରୁ କମ୍ ବୟସ ବର୍ଗର ୪୦୦ ମିଟର ଦୌଡ଼ରେ ରୌପ୍ୟପଦକ ଜିତି ଜିଲ୍ଲା ପାଇଁ ଗର୍ବ ଆଣିଥିଲେ ମଳୟ । ଇଷ୍ଟ ଜୋନ୍ ଜୁନିୟର ଆଥଲେଟିକ୍ସ ଚାମ୍ପିୟନସିପ୍ ୨୦୨୫ରେ ୨୦ ବର୍ଷରୁ କମ୍ ବୟସ ବର୍ଗର ୪×୪୦୦ ମିଟର ରିଲେରେ ସ୍ୱର୍ଣ୍ଣପଦକ ଜିତିଥିବା ଓଡ଼ିଶା ଦଳର ସେ ସଦସ୍ୟ ମଧ୍ୟ ଥିଲେ । ଇଣ୍ଡିଆନ୍ ଓପନ୍ ଆଥଲେଟିକ୍ସ ମିଟ୍ ୨୦୨୫ରେ ପାଟନାରେ ଆୟୋଜିତ ପ୍ରତିଯୋଗିତାର ୪୦୦ ମିଟର ଦୌଡ଼ରେ ଦ୍ୱିତୀୟ ସ୍ଥାନ ହାସଲ କରିଥିଲେ । ଇଣ୍ଡିଆନ୍ ଆଥଲେଟିକ୍ସ ସିରିଜ୍ ୨୦୨୬ରେ ରାଞ୍ଚିରେ ଆୟୋଜିତ ପ୍ରତିଯୋଗିତାର ପୁରୁଷ ୨୦୦ ମିଟର ଦୌଡ଼ରେ ପ୍ରଥମ ସ୍ଥାନ ମଧ୍ୟ ହାସଲ କରିଥିଲେ ମଳୟ ।