କଟକ: ଦୁଇ ବର୍ଷର ଶିଶୁ ପୁତ୍ରକୁ 20 ହଜାର ଟଙ୍କାରେ ବିକ୍ରି ଅଭିଯୋଗ ହୋଇଛି । ଏଭଳି ଅଭିଯୋଗ ଆଣିଛନ୍ତି ଖୋଦ ଶିଶୁପୁତ୍ରର ଜେଜେବାପା ରାହାସ ସାମଲ ।

ସୂଚନାମୁତାବକ କଟକ ଜିଲ୍ଲା ସାଲେପୁର ଥାନା କାନପୁର ଗାଁର ରାହାସ ସାମଲଙ୍କ ପୁତ୍ର ତପନ ସାମଲ ନିଶ୍ଚିନ୍ତକୋଇଲି ଥାନା ବଢଖିରି ଗ୍ରାମର ରୁବିନା ସାମଲଙ୍କୁ ବିବାହ କରିଥିଲେ । ଉଭୟଙ୍କ ଔରସରୁ 5 ବର୍ଷର କନ୍ୟା ଓ 2 ବର୍ଷର ଶିଶୁପୁତ୍ର ଥିବାବେଳେ ରୁବିନା ସ୍ୱାମୀ ତପନ ସାମଲଙ୍କୁ ଛାଡି ଅନ୍ୟତ୍ର ପଳାଇ ଯାଇଥିଲେ ।

ଦୁଇ ବର୍ଷର ନାତିକୁ ନେଇ ତାଙ୍କ ପୁତ୍ର ବଧୁ ଗତ 6ମାସ ତଳେ ତାଙ୍କ ବାପ ଘରେ ଛାଡ଼ି ଅନ୍ୟ ଏକ ପୁରୁଷ ସହ କେଉଁଆଡ଼େ ପଳେଇଯାଇଛନ୍ତି । କୌଣସି ସୂତ୍ରରୁ ଖବର ପାଇଥିଲେ ଯେ ନାତିକୁ ଡେରାବିଷ ଅଞ୍ଚଳର ଅନନ୍ତ ସାମଲଙ୍କୁ ଝିଅର ଭାଇ ବିକ୍ରି କରିଦେଇଛି । ଏହି ଖବର ପାଇବା ପରେ ଜେଜେ ନାତିକୁ ତାଙ୍କ ଘରକୁ ଆଣିବାକୁ ଯାଇ ଥିବାବେଳେ ସେଠାରେ ନାତି ନଥିବା ଦେଖିବାକୁ ପାଇଥିଲେ ।

ଏନେଇ ଜେଜେବାପା ଜାଣିବାକୁ ପାଇଥିଲେ ନାତିକୁ 20 ହଜାର ଟଙ୍କାରେ ଅନ୍ୟତ୍ର ବିକ୍ରି କରାଯାଇଥିବା ନେଇ ଝିଅର ଭାଇ ବିକ୍ରି କରିଦେଇଛନ୍ତି । ଝିଅର ଭାଇ ନାମରେ ସାଲେପୁର ଥାନାରେ ଲିଖିତ ଅଭିଯୋଗ କରିଛନ୍ତି । ଏନେଇ ପୋଲିସର କୌଣସି ପ୍ରତିକ୍ରିୟା ମିଳିପାରି ନାହିଁ ।

ଆହୁରି ପଢନ୍ତୁ ଓଡିଶା ଖବର...

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV