ଅର୍ଗସ ବ୍ୟୁରୋ : ଲୋଭ ସମ୍ଭାଳି ପାରିଲେନି । ମଉକା ଦେଖି ମାରିଲେ ଛକା । ଇନ୍‌ଫର୍ମରେ ଥାଇ ମଧ୍ୟ ଚୋରି କରିଲେ ପୋଲିସ ବାବୁ । ତାହା ପୁଣି ଗ୍ରାଇଣ୍ଡର, ଗ୍ୟାସ୍ ଚୁଲା, ଇଣ୍ଡକ୍ସନ, ଇଲେକ୍ଟ୍ରି ବଲ୍‌ବ, ମୋବାଇଲ ଚାର୍ଜର, ବ୍ଲୁଟୁଥ୍ ଭଳି ସାମଗ୍ରୀ । ଯାହା ସମସ୍ତ ଦୃଶ୍ୟ ସିସିଟିଭିରେ ହେଲା କଏଦ । ଗୁରୁବାର ବାଲିପାଟଣାରେ ଥିବା ୩ଟି ବେଆଇନ କରତକଳ ଉପରେ ଖୋର୍ଦ୍ଧା ବନଖଣ୍ଡ, ଭିଜିଲାନ୍ସ ଏବଂ ପୋଲିସର ମିଳିତ ଚଢାଉ ବେଳର ଦୃଶ୍ୟ । ପୋଲିସ ବାବୁଙ୍କ ଏଭଳି କଳା କାରନାମା ସାମ୍ନାକୁ ଆସିବା ପରେ ଏହା ଏବେ ଚର୍ଚ୍ଚାର ବିଷୟ ପାଲଟିଛି ।

ସୂଚନା ଅନୁସାରେ, ଗତ କାଲି କୁଳନ୍ତିରା ସ୍ଥିତ କରତକଳ ଉପରେ ହୋଇଥିଲା ଚଢାଉ । ଚଢାଉ ସମୟରେ ୨ ଜଣ ପୋଲିସ ବାବୁ ଏବଂ ଅନ୍ୟ ଜଣେ କରତକଳ ପରିସରରେ ଥିବା ଘର ମଧ୍ୟରୁ ଚୋରି କରିଥିଲେ । ଘରର ସମସ୍ତ ଆସବାବପତ୍ର ଖୋଜାଖୋଜି କରିନେଇ ଯାଇଛନ୍ତି । ଗ୍ରାଇଣ୍ଡର, ଗ୍ୟାସ ଚୁଲା, ଇଣ୍ଡକ୍ସନ, ଇଲେକ୍ଟ୍ରି ବଲ୍‌ବ, ମୋବାଇଲ ଚାର୍ଜର, ବ୍ଲୁଟୁଥ୍ ପ୍ରଭୃତି ଅନେକ ସାମଗ୍ରୀ ଚୋରି କରି ନେଇଯାଇଛନ୍ତି ଏହି ପୋଲିସ ବାବୁମାନେ ।

ତେବେ ବାବୁଙ୍କର ସିସିଟିଭିରେ ଉପରେ ନଜର ପଡ଼ିବା ପରେ ସିସିଟିଭିକୁ ବନ୍ଦ କରି କଲେ ଚୋରି । ହେଲେ ସେ ସମୟର ସମସ୍ତ ଦୃଶ୍ୟ କିନ୍ତୁ ସିସିଟିଭିରେ କଏଦ ହୋଇଛି । ଚୋରା କରତକଳ ଉପରେ ଚଢାଉ କରିବା ପାଇଁ ଆସି ପୋଲିସ କର୍ମଚାରୀ ଚୋରି କରିବା ଘଟଣା ବେଶ ଚର୍ଚ୍ଚା ହେଉଛି ।

ସେପଟେ ବାଲିପାଟଣା ଛକରେ ଥିବା ବେଆଇନ୍ କରତକଳ ଉପରେ ଚଢାଉ ସମୟରେ ଏସିଏଫ ଖବର ସଂଗ୍ରହ ପାଇଁ ଯାଇଥିବା କିଛି ସାମ୍ବାଦିକଙ୍କୁ ମଧ୍ୟ ଖରାପ ବ୍ୟବହାର ଦେଖାଇଥିବା ଅଭିଯୋଗ ହୋଇଛି । ଏସିଏଫ୍ ପୋଲିସ ଲଗାଇ ସାମ୍ବାଦିକମାନଙ୍କୁ ବାହାର କରିଦେବାକୁ ଚେଷ୍ଟା ମଧ୍ୟ କରିଥିଲେ । ଯାହାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ୍ ହୋଇଛୁ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV