ପୁରୀ: ଆନନ୍ଦ ବଜାରରୁ ହଟିବ ଅଣସୂପକାରଙ୍କ ରାଜ୍ । କମିବ ମହାପ୍ରସାଦ ଦର । ନୂଆ ଶ୍ରୀମନ୍ଦିର ପ୍ରଶାସକଙ୍କୁ ଭେଟି ଆଲୋଚନା କରିବା ପରେ ଏପରି ଆଶା ରଖିଛି ସୁଆର ମହାସୁଆର ନିଯୋଗ । ସୁଆର ମହାସୁଆରଙ୍କଠାରୁ ମହାପ୍ରସାଦ କିଣି ଚଢ଼ା ଦରରେ ଭକ୍ତଙ୍କୁ ବିକୁଛନ୍ତି ଅଣ ସୂପକାର । ଆନନ୍ଦ ବଜାର ଶୃଙ୍ଖଳା ପାଇଁ ଆବେଦନ ସହ ଆନନ୍ଦ ବଜାରକୁ ଅଣସୂପକାରଙ୍କୁ ବାରଣ, ମହାପ୍ରସାଦ ଦର ନିର୍ଦ୍ଧାରଣ ପରି ଏକାଧିକ ପ୍ରସ୍ତାବ ଦେଇଛି ନିଯୋଗ ।  ଆନନ୍ଦ ବଜାରକୁ ଅଣସୂପକାରଙ୍କୁ ବାରଣ।ମହାପ୍ରସାଦ ଦର ନିର୍ଦ୍ଧାରଣ ସହ ହେଲ୍ପ ଡେସ୍କ ବ୍ୟବସ୍ଥା ପାଇଁ ଆବେଦନ କରିଛି ସୁଆର ମହାସୁଆର ନିଯୋଗ । ଦୀର୍ଘଦିନ ଧରି ଶ୍ରୀମନ୍ଦିର ଆନନ୍ଦ ବଜାରରେ ଅଣସୂପକାରଙ୍କ ରାଜୁତି ବିରୋଧରେ ନୂଆ ଶ୍ରୀମନ୍ଦିର ପ୍ରଶାସକଙ୍କୁ ଭେଟି ଅଭିଯୋଗ କରିଛି ନିଯୋଗ  । ଶ୍ରୀମନ୍ଦିର ଆସୁଥିବା ପ୍ରତ୍ୟେକ ଭକ୍ତ ଦର୍ଶନ ଓ ମହାପ୍ରସାଦ ଉଚିତ୍ ଭାବରେ ପାଇବାକୁ ଚାହିଁଥାଏ । କିନ୍ତୁ ସୁଆର ମହାସୁଆରଙ୍କଠାରୁ ମହାପ୍ରସାଦ କିଣି ଅଣ ସୂପକାର ଚଢ଼ା ଦରରେ ଭକ୍ତଙ୍କୁ ବିକୁଛନ୍ତି ମହାପ୍ରସାଦ । ନୂଆ ସରକାର ଆସିବା ପରେ ଦର୍ଶନ ବ୍ୟବସ୍ଥାରେ ଅନେକ ସୁଧାର ଆସିଥିବା ବେଳେ ଆନନ୍ଦ ବଜାର ଶୃଙ୍ଖଳା ନେଇ ଏବେ ଆଶା ସୃଷ୍ଟି ହୋଇଛି । ଶ୍ରୀମନ୍ଦିରରେ ମହାପ୍ରସାଦ ଦର ନିର୍ଦ୍ଧାରଣ, ଆନନ୍ଦ ବଜାରରେ ଶୃଙ୍ଖଳା ପାଇଁ ୧୦ ସେବାୟତଙ୍କୁ ଦାୟିତ୍ଵ, ହେଲ୍ପ ଡେସ୍କ ପ୍ରତିଷ୍ଠା ସହ ଅଣସୂପକାରଙ୍କ ବିରୋଧରେ ଆକ୍ସନ ପ୍ରସ୍ତାବ ଦେଇଛି ନିଯୋଗ । 
 
 ଆନନ୍ଦ ବଜାରରେ ଶୃଙ୍ଖଳାହାନୀକୁ ନେଇ ଅସନ୍ତୁଷ୍ଟ ସୁଆର ମହାସୁଆର ନିଯୋଗ । ଦୀର୍ଘଦିନର ଦାବି ସତ୍ତ୍ବେ ଏଯାଏ ଆନନ୍ଦ ବଜାରରେ ଲାଗି ପାରିନି ମହାପ୍ରସାଦ ଦର ତାଲିକା । ଫଳରେ ଠକାମୀର ଶିକାର ହେଉଛନ୍ତି ଭକ୍ତ ଓ ଶ୍ରଦ୍ଧାଳୁ । ପୂର୍ବରୁ କମିଟି ଗଠନ ସହ ଅନେକ ଥର ଆଲୋଚନା ହୋଇଥିଲେ ମଧ୍ୟ କୌଣସି ନିଷ୍ପତ୍ତି କାର୍ଯ୍ୟକାରୀ ହୋଇ ପାରିନଥିଲା । ପୂର୍ବ ସରକାର ଓ ପୂର୍ବତନ ଶ୍ରୀମନ୍ଦିର ମୁଖ୍ୟ ପ୍ରଶାସକ ନିଷ୍ପତ୍ତି କାର୍ଯ୍ୟକାରୀ କରିବାରେ ବିଫଳ ହୋଇଥିବା କହିଛି ସୁଆର ମହାସୁଆର ନିଯୋଗ । ଆକ୍ସନ ମୋଡରେ ରହୁଥିବା ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ସୁଆର ମହାସୁଆରଙ୍କ ସହ ପୁଙ୍ଖାନୁପୁଙ୍ଖ ଆଲୋଚନା କରିଥିବାବେଳେ ଆନନ୍ଦ ବଜାର ଶୃଙ୍ଖଳାକୁ ନେଇ ଦୃଢ଼ ଆଶାବାଦୀ ରହିଛନ୍ତି ସୁଆର ମହାସୁଆର । 

ଅଧିକ ପଢନ୍ତୁ ଓଡ଼ିଶା ଖବର