ଭୁବନେଶ୍ୱର: ରାଜଧାନୀରେ ମୁକୁଳା ଡ୍ରେନ୍‌ ନେଲା ଜୀବନ । ପାଣିରେ ଭାସି ଯାଇ ନାବାଳକ ମୃତ ଘଟଣାର ସମୀକ୍ଷା କରିବେ ନଗର ଉନ୍ନୟନ ମନ୍ତ୍ରୀ । ୟୁନିଟ୍-3 ମସଜିଦ୍ କଲୋନୀ ନିକଟ ମୁକୁଳା ଡ୍ରେନ୍‌ରେ ଭାସିଯାଇଥିଲା ନାବାଳକ । ଗତକାଲି ଅପରାହ୍ନରେ ରାଜଧାନୀ ଭୁବନେଶ୍ବର ପ୍ରବଳ ବର୍ଷା ହୋଇଥିଲା । 

ସେହି ସମୟରେ ଲକ୍ଷ୍ମୀସାଗର ୟୁନିଟ-୩ ମସଜିଦ୍‌ କଲୋନୀର ଏସ୍‌କେ ରାଜେଶ୍‌ ଓ ତାଙ୍କ ସାଥୀମାନେ ଡ୍ରେନ୍‌ ପାଖରେ ଖେଳୁଥିଲେ। ପ୍ରାୟ ସାଢ଼େ ୨ଟାରେ ମୁକୁଳା ଡ୍ରେନ୍‌ରେ ବେଲୁନ୍‌ ଭାସି ଭାସି ଯାଉଥିଲା । ସେହି ବେଲ୍‌ନକୁ ଆଣିବା ପାଇଁ ଏସ୍‌କେ ରାଜେଶ୍‌ ଓ ତାଙ୍କର କିଛି ସାଥୀମାନେ ଡ୍ରେନ୍‌ ଭିତରକୁ ଯାଇଥିଲା । 

ବେଲୁନ୍‌ ଆଣୁଥିବାବେଳେ ପ୍ରବଳ ବେଗରେ ଆସୁଥିବା ବର୍ଷା ପାଣିରେ ଭାସି ଯାଇଥିଲେ ଏସ୍‌କେ ରାଜେଶ୍‌ । ସଙ୍କଟାପନ୍ନ ଅବସ୍ଥାରେ ଲକ୍ଷ୍ମୀସାଗର ନିକଟ ନାଳରୁ ଉଦ୍ଧାର ପରେ ନିଆଯାଇଥିଲା କ୍ୟାପିଟାଲ ହସ୍ପିଟାଲ ।  ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

ଆହୁରି ପଢନ୍ତୁ ଓଡିଶା ଖବର...