ଭଦ୍ରକ: ଆରଡ଼ିରେ ବାବା ଆରଡ଼ି ଆଖଣ୍ଡଳମଣୀଙ୍କ ସେବାୟତ ରବୀନ୍ଦ୍ର ମିଶ୍ରଙ୍କ ଘରୁ ଉଦ୍ଧାର ହୋଇଛି ଭଗବାନ ଶଙ୍କର ଓ ମାତା ପାର୍ବତୀ, ଗଣେଶ ଓ କାର୍ତିକଙ୍କ ମୂର୍ତ୍ତି । ଦୁର୍ମୂଲ୍ୟ ଧାତୁ ରେ ନିର୍ମିତ ମୂର୍ତ୍ତି ସବୁ କାହିଁ କେଉଁ କାଳରୁ ମାଟି ତଳେ ପୋତି ହୋଇ ରହିଥିଲା । ପଣ୍ଡିତ ଡାକି ପୂଜାର୍ଚ୍ଚନା କରିବା ପରେ ବାହାରିଥିଲା ଠାକୁରଙ୍କ ପ୍ରତିମା । ଆଖଣ୍ଡଳମଣିଙ୍କ ସେବାୟତ  ରବୀନ୍ଦ୍ର ମିଶ୍ରଙ୍କ ଘରେ ଦୀର୍ଘ ବର୍ଷ ହେଲା ଲାଗିରହୁଥିଲା ବିଭିନ୍ନ ପ୍ରକାର ଅସୁବିଧା । ରୋଗ ବ୍ୟାଧି ରେ ପୀଡିତ ହେଉଥିଲେ ପରିବାର ଲୋକେ । ରବୀନ୍ଦ୍ର ବିଭିନ୍ନ ଜାଗାର ପଣ୍ଡିତମାନଙ୍କ ସହିତ ଆଲୋଚନା କରିଥିଲେ, ହେଲେ କିଛି ସୁଫଳ ମିଳିନଥିଲା ।

ରବୀନ୍ଦ୍ରଙ୍କ ଜଣେ ଯଜମାନ ଏ ବିଷୟରେ ପଣ୍ଡିତ ତଥା ଭୂତତ୍ଵବିତ୍ ନରୋତ୍ତମଙ୍କୁ ଜଣାଇଥିଲେ । ନରୋତ୍ତମ ରବୀନ୍ଦ୍ର ଙ୍କ ଘରେ ବିଭିନ୍ନ ପରୀକ୍ଷା ନିରୀକ୍ଷା ପରେ ଘର ମାଟି ତଳେ କିଛି ଥିବା ଜାଣିବାକୁ ପାଇଥିଲେ । ଘର ଚଟାଣ କୁ ୧୫ ଫୁଟ ଖୋଳିବାକୁ କହିଥିଲେ । ପ୍ରାୟ ୧୨ ଫୁଟ ଖୋଳିବା ପରେ ଖୋଳୁଥିବା ଲୋକଙ୍କୁ ବାହାରି ଆସିବାକୁ କୁହାଯାଇଥିଲା । ଆଉ ତା ପରେ ଆରମ୍ଭ ହେଲା ପୂଜାର୍ଚ୍ଚନା । ଏଥର ଲୁହା ନୁହେଁ ବରଂ କାଠ ସାହାଯ୍ୟରେ ଆଉ ୩ ଫୁଟ ଖୋଳିବା ପରେ ବାହାରିଥିଲେ ଏହି ସବୁ ଠାକୁର ଙ୍କ ପ୍ରତିମା । ତ୍ରିଶୂଳ ଧାରୀ ଶିବ, ମାତା ପାର୍ବତୀ, ବିଘ୍ନ ବିନାଶକ ଗଣେଶ, କାର୍ତ୍ତିକ ଓ ବାହନ ବୃଷଭ । ଏହି ସବୁ ମୂର୍ତ୍ତୀ ସହ କିଛି ଅଳଙ୍କାର କୁ ମିଶାଇ ଓଜନ ପ୍ରାୟ ୪୦ କିଲୋ ହେବ ବୋଲି ଅନୁମାନ କରାଯାଇଛି l 

ଅଧିକ ପଢନ୍ତୁ ଓଡିଶା ଖବର