ବସୁଧା ଯୋଜନା କେବଳ କାନ୍ଥରେ ହିଁ ରହିଯାଇଛି, ଲୋକେ ହନ୍ତସନ୍ତ
ଅର୍ଗସ ବ୍ୟୁରୋ: ପାଣି ଗରାଏ ପାଇଁ କେଉଁଠି ନଳକୂପ ଆଗରେ ଲମ୍ବା ଧାଡି ତ ଆଉ କେଉଁଠି ନଦୀରୁ ଚୁଆଁ ପାଣି ସଂଗ୍ରହ କରୁଛନ୍ତି ଲୋକେ। ଗାଁରେ ଅଛି ପାଣି ଟାଙ୍କି କିନ୍ତୁ ଷ୍ଟାଣ୍ଡ ପୋଷ୍ଟ ନାହିଁ। ଏ ଦୃଶ୍ୟ ହେଉଛି ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଲକ ଗାୟାଗଣ୍ଡା ପଞ୍ଚାୟତ ର। ଏହି ଗ୍ରାମରେ ବାସ କରୁଛନ୍ତି ଏକ ହଜାରରୁ ଅଧିକ ପରିବାର। ପିଇବା ପାଣି ର ନାହିଁ କୌଣସି ସୁବିଧା। ନଳକୂପ ଅଛି ହେଲେ ସେଥିରୁ ବାହାରୁଥିବା ପାଣି ପିଇବା ଉପଯୋଗୀ ହୋଇ ପାରୁନି। ଫଳରେ ଗାଁ ନିକଟରେ ଥିବା ନଦୀରେ ଚୁଆଁ କରି ପିଇବା ପାଣି ସଂଗ୍ରହ କରୁଛନ୍ତି ମହିଳା । ଏହି ସମସ୍ୟା ବର୍ଷେ କି ଦୁଇବର୍ଷର ନୁହେଁ ଦଶ ବର୍ଷ ହେଲା ଲୋକେ ପାଣି ପାଇଁ ନାହିଁ ନଥିବା ଅସୁବିଧାର ସମୁଖୀନ ହେଉଛନ୍ତି ।
ଗାଁରେ କେବଳ ପିଇବା ପାଣି ସମସ୍ୟା ନାହିଁ । ଏଠି ବଡ଼ ପୋଖରୀକୁ ମଧ୍ୟ ପଙ୍କ ଉଧାର କିମ୍ବା ଖୋଳିବା ଵ୍ୟଵସ୍ଥା ଦୀର୍ଘ ବର୍ଷ ହେଲା କରାଯାଇନି ଯାହା ଫଳରେ ଗ୍ରୀଷ୍ମ ସମୟରେ ପୋଖରୀ ଶୁଖିଲା ପଡିଛି । ଲୋକମାନେ ସ୍ନାନ ଆଦି କାର୍ଯ୍ୟ ପାଇଁ ହେଉ କିମ୍ବା ଗୃହପାଳିତ ପଶୁ ମାନେ ମଧ୍ୟ ପିଇବା ପାଇଁ ପାଣି ଟିକିଏ ନାହିଁ ଯାହାକୁ ନେଇ ଗ୍ରାମବାସୀ ଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି । ପୂର୍ବରୁ ଖରାଦିନେ ଏହି ପୋଖରୀରେ ବହୁତ ଜଳରହୁଥିବା ବେଳେ କାମ କରିବା ପାଇଁ ଏହାର ଜଳକୁ ଶୁଖାଇ ଦେବା ଓ ପୋଖରୀ ପୋତି ହିଇଯାଉଥିବା କାରଣରୁ ଏହି ପୋଖରୀ ଏବେ ଶୁଖିଲା ପଡିଛି ।
ଅଧିକ ପଢ଼ନ୍ତୁ ଓଡିଶା ଖବର:
