ବ୍ୟାଙ୍କ ଏଜେଣ୍ଟ ବିଷ୍ଣୁ ଗୌଡ଼ ହତ୍ୟା ମାମଲାରେ ଆସିଲା ରାୟ

ବ୍ରହ୍ମପୁର: ବ୍ରହ୍ମପୁରରେ ବ୍ୟାଙ୍କ ଏଜେଣ୍ଟ ବିଷ୍ଣୁ ଗୌଡ଼ ହତ୍ୟା ମାମଲାରେ ଆସିଲା ରାୟ । ଡାକ୍ତର ହୃଷିକେଶ ତ୍ରିପାଠୀକୁ ଆଜୀବନ କାରାଦଣ୍ଡାଦେଶ । ଏହାସହ 10 ଲକ୍ଷ ଟଙ୍କାର ଜୋରିମାନା । ଅନ୍ୟ ଦୁଇ ଦୋଷୀଙ୍କୁ ଦୁଇବର୍ଷ ଜେଲ୍ ସହ 5 ହଜାର ଜୋରିମାନା । ବ୍ରହ୍ମପୁରର ଏକ ଘରୋଇ କ୍ଲିନିକର ଜଣେ ମହିଳା ନର୍ସଙ୍କ ସହ ତ୍ରିକୋଣୀୟ ପ୍ରେମକୁ ନେଇ ବିଷ୍ଣୁ ଗୌଡଙ୍କୁ ହତ୍ୟା

ମାମଲାରେ ଆଜି ରାୟ ପ୍ରକାଶ ପାଇଛି । ଘଟଣାରେ ମୋଟ 3 ଜଣ ଗିରଫ ହୋଇଥିଲେ । ହସ୍ପିଟାଲରେ କାମ କରୁଥିବା ଅର୍ଥାତ୍ ମୃତଦେହକୁ ନେଇ ପୋତିଥିବା ଡାକ୍ତରଙ୍କ ଘରୋଇ ହସ୍ପିଟାଲ୍ ଷ୍ଟାଫ୍ ଗଙ୍ଗା ବେହେରା ଓ ବିଧାନ ସେଠୀଙ୍କୁ ପୋଲିସ ଗିରଫ କରିଥିଲା । ସେ ଦୁହେଁ ଜାମିନ ପାଇଥିବା ଜଣାପଡିଛି ।

ଖଲ୍ଲିକୋଟ ସ୍ଥିତ ଏକ ଘରୋଇ HDFC ବ୍ୟାଙ୍କରେ ଏଜେଣ୍ଟ ଭାବେ କାମ କରୁଥିବା ବିଷ୍ଣୁ ଗୌଡ, 2018 ଅଗଷ୍ଟ 18 ତାରିଖ ରେ ଘରୁ ବାହାରି ବ୍ରହ୍ମପୁର ସ୍ଥିତ ଡାକ୍ତର ହୃଷୀକେଶ ତ୍ରିପାଠୀ ଙ୍କ କ୍ଲିନିକ୍ କୁ ଆସିଥିଲେ । ଏହା ପରେ 19 ତାରିଖରେ ବିଷ୍ଣୁ ତାଙ୍କ ପତ୍ନୀଙ୍କ ସହ ସକାଳ 8ଟା 50ରେ କଥା ହେବା ପରଠାରୁ ଆଉ ତାଙ୍କର ପତ୍ତା ମିଳିନଥିଲା ।

ଏନେଇ ତାଙ୍କ ପତ୍ନୀ ବ୍ରହ୍ମପୁର ବୈଦ୍ୟନାଥପୂର ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ କରିଥିଲା । ପରେ ସେପ୍ଟେମ୍ବର 12 ତାରିଖରେ ତାଙ୍କ ମୃତଦେହ ବଡଗୁମୁଲା ସ୍ଥିତ ଏକ ପଡ଼ିଆରୁ ଖଣ୍ଡ ବିଖଣ୍ଡିତ ମୃତ ଦେହ ମିଳିଥିଲା । ଏହା ପରେ ପୋଲିସ ଡ଼ାକ୍ତର ହୃଷିକେଶ ତ୍ରିପାଠୀଙ୍କୁ ଗିରଫ କରିଥିଲା । ସେ ଦିନ ଠାରୁ ସେ ବ୍ରହ୍ମପୁର ମଣ୍ଡଳ କାରାଗାରରେ ରହିଥିଲେ । ହୃଷିକେଶ ତ୍ରିପାଠୀ ଛତ୍ରପୁର ଉପଖଣ୍ଡ ହସ୍ପିଟାଲରେ ସର୍ଜରୀ ସ୍ପେଶଲିଷ୍ଟ ଭାବେ କାର୍ଯ୍ୟ କରୁଥିଲେ।

ଆହୁରି ପଢନ୍ତୁ ଓଡିଶା ଖବର...