ବଲାଙ୍ଗୀର : ଏକ ମାସ ହେଲା ବଲାଙ୍ଗୀର ଜିଲ୍ଲା  ମୁରିବାହାଲ ବ୍ଲକ ଗୋଇମୁଣ୍ଡ ପଞ୍ଚାୟତରେ ପାନୀୟ ଜଳ ଯୋଗାଣ ବନ୍ଦ ହୋଇଥିବା ପ୍ରତିବାଦ ରେ ପଂଚାୟତ ସରପଞ୍ଚ ଓ ପିଇଓ ଙ୍କୁ ତାଲା ମାରିଲେ ଗ୍ରାମବାସୀ । ପାନୀୟ ଜଳ ଯୋଗାଣ ପାଇଁ ବାରମ୍ବାର ଦାବି ସତ୍ତ୍ୱେ ପଞ୍ଚାୟତ ପ୍ରଶାସନ ନ ଶୁଣିବାରୁ ଗୋଇମୁଣ୍ଡ ପଞ୍ଚାୟତ କାର୍ଯ୍ୟାଳୟ ଭିତରେ ସରପଞ୍ଚ ଓ ପିଇଓ ଙ୍କୁ ତାଲା ମାରିଲେ ଗ୍ରାମବାସୀ। ଏକ ମାସରୁ ଅଧିକ ହେବ ଜଳ ଯୋଗାଣ ବନ୍ଦ ରହିଛି ।ଖରା ଦିନ ଯୋଗୁଁ ପାଣି ସମସ୍ୟା ଉତ୍କଟ ହୋଇଥିବା ବେଳେ ବାରମ୍ବାର ପ୍ରଶାସନ ଠାରେ ହାରି ଗୁହାରି ପରେ ମଧ୍ୟ କେହି ନ ଶୁଣିବାରୁ ଲୋକେ ପଞ୍ଚାୟତରେ ତାଲା ମାରିଥିଲେ ।

ଅଧିକ ପଢନ୍ତୁ : ସରକାରୀ ଯୋଜନା ଠାରୁ ବହୁ ଦୂରରେ ଧନେଶ୍ବରଙ୍କ ପରିବାର

ଜଳ ଯୋଗାଣ ଦାବି କରିଥିଲେ । ବାରମ୍ବାର ପଞ୍ଚାୟତ ପ୍ରଶାସନ,ବ୍ଲକ ପ୍ରଶାସନ, ଜିଲ୍ଲାପାଳଙ୍କ ଠାରେ ଫେରାଦ ହୋଇଥିଲେ ମଧ୍ୟ କେହି ନ ଶୁଣିବାରୁ ଆଜି ପଞ୍ଚାୟତରେ ତାଲା ପକାଇ ଦିଆଯାଇଛି ।ଦୁଇ ଘଣ୍ଟା ପର୍ଯ୍ୟନ୍ତ ତାଲା ପକାଇଥିଲେ ।ମୁରିବାହାଲ ପୋଲିସ ପହଁଚିଥିଲେ ।ପ୍ରଶାସନ ସହିତ ଆଲୋଚନା ପରେ ଆସନ୍ତା କାଲି ଜଳ ଯୋଗାଣର ପ୍ରତିଶ୍ରୁତି ଦେବା ପରେ ତାଲା ଖୋଲାଯାଇଥିଲା ।