ଅର୍ଗସ ବ୍ୟୁରୋ: ଥରେ ଦେଖନ୍ତୁ ରାଜ୍ୟ ସରକାରଙ୍କ ବିକାଶ ର ବାସ୍ତବ ଚିତ୍ରକୁ । ଏ ଚିତ୍ର ହିଁ ବୟାନ କରୁଛି ଏ ଆଦିବାସୀ ଅଧ୍ୟୁଷିତ କୁଟିଆ ଗାଁ କେତେ ବିକାଶ । କନ୍ଧମାଳ ଓ ରାୟଗଡ଼ା ଜିଲ୍ଲାର ସୀମାନ୍ତବର୍ତୀ ପଞ୍ଚାୟତ ଦୂର୍ଗାପାଙ୍ଗା । ଆଠ ଆଠ ଟି ଗାଁ ବିକାଶ ଠାରୁ ବହୁ ଦୂର ରେ। ଏ ଆଠ ଟି ଗାଁ ସମ୍ପୂର୍ଣ ଆଦିବାସୀ ଅଧ୍ୟୁଷିତ ଅଞ୍ଚଳ, ଓ କୁଟିଆ କନ୍ଧ ସମ୍ପ୍ରଦାୟ ର ଲୋକମାନେ ଏଠାରେ ବସବାସ କରନ୍ତି। 5 ନମ୍ବର ରାଜ୍ୟ ରାଜପଥ ବଣ୍ଡାପିପିଲି ମୁଖ୍ୟ ରାସ୍ତା ଠାରୁ ଡିମିଲି 8 କିଲୋ ମିଟର ଦୂର ହେବ ଓ ଗାଁ କୁ ଯିବା ପାଇଁ ତିନି ତିନୋଟି ନାଳ ଅତିକ୍ରମ କରିବାକୁ ପଡ଼େ। ଏ ଡିମିଲି ଗାଁ କୁ ଗମନାଗମନ ସୁବିଧା ପାଇଁ 4 କୋଟି 38 ଲକ୍ଷ ଟଙ୍କା ବ୍ୟୟରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା। କିନ୍ତୁ ଆଜି ଅବଧି ସରିଲାଣି ହେଲେ କାମ ସମ୍ପୂର୍ଣ ହୋଇ ନାହିଁ ।

ପାହାଡ, ପର୍ବତ ଓ ନଦୀ ନାଳ ଘେରା ଦୁର୍ଗାପାଙ୍ଗା ପଞ୍ଚାୟତର ଏ ଆଠ ଟି ଗାଁ । ଏ ଆଠ ଟି ଗାଁ ପାଇଁ ବିପଦ ହେଉଛି ତିନୋଟି ନାଳ। ଘଞ୍ଚ ଅରଣ୍ୟ ଦେଇ ଯିବାକୁ ପଡ଼େ। ଏ ତିନୋଟି ନାଳ ରେ ବର୍ଷ ତମାମ ଜଳ ପ୍ରବାହିତ ହୁଏ। ଏ ନାଳ ଉପରେ ଏକ ହୋମ ପାଇପ ପୋଲ ନିର୍ମାଣ ହୋଇଥିଲା କିନ୍ତୁ ନିମ୍ନ ମାନର କାର୍ଯ୍ୟ ଯୋଗୁଁ ବର୍ଷା ଦିନେ ଅଧା ଧୋଇଗଲା। ସେଦିନ ଠାରୁ ଆଜି ପର୍ଯ୍ୟନ୍ତ ଆଉ ମରାମତି ହୋଇ ନାହିଁ। ବର୍ତ୍ତମାନ ସାହା ଭରଷା ପାଲଟିଛି ଏ କାଠ ପୋଲ। ଆମେ ଏ ସମସ୍ୟା ନେଇ କୋଟଗଡ଼ ଗ୍ରାମ୍ୟ ନିର୍ମାଣ ବିଭାଜନ ର ନିର୍ବାହୀ ଯନ୍ତ୍ରୀଙ୍କ ଙ୍କ ସହିତ ଆଲୋଚନା କରିବା ପାଇଁ ଚେଷ୍ଟା କରିଥିଲୁ କିନ୍ତୁ ସୁଫଳ ମିଳି ନଥିଲା।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more