ଅର୍ଗସ ବ୍ୟୁରୋ: ଉପାନ୍ତ ପାହାଡି ଇଲାକାରେ ଲୋକଙ୍କୁ ପାଣି ଚିନ୍ତା, ଏପଟେ ନେତାଙ୍କୁ ଘାରିଛି ଟିକେଟ ଚିନ୍ତା l ଫେବୃଆରୀରୁ ଜଳକଷ୍ଟ ଭୋଗୁଛନ୍ତି ବଣ ପାହାଡ଼ ଘେରା କମ୍ପାନୀଗୁମାବାସି l କାମରେ ଆସୁନି ବସୁଧା ପ୍ରକଳ୍ପ, ଅଚଳ ହୋଇ ପଡିଛି ସୋଲାର ଟ୍ୟାପ ।  ଏପଟେ ନଳକୂଅ ଅବସ୍ଥା ନ କହିବା ଭଲ l  ଏ ହେଉଛି ନୂଆପଡା ଜିଲ୍ଲା ଖଡ଼ିଆଳ ବ୍ଲକ ରାଣୀମୁଣ୍ଡା ପଞ୍ଚାୟତର ବଣପାହାଡ଼ ଘେରାର କମ୍ପାନୀଗୁମା ଗାଁ l ଗାଁ ନୁହେଁତ ସମସ୍ୟାର ଗନ୍ତାଘର।

କମ୍ପାନୀଗୁମାରେ ବସୁଧା ଯୋଜନାରେ ପ୍ରକଳ୍ପ ହୋଇଛି l ପାଇପ ପୋତା ଯାଇ ଘର ସମ୍ମୁଖରେ ଟ୍ୟାପ ଲଗା ଯାଇଛି, ହେଲେ କେଉଁଠି ଷ୍ଟାଣ୍ଡ ଭାଙ୍ଗି ପଡିଛି ତ କଉଁଠି ପାଇପରେ ଆଦୌ ଷ୍ଟାଣ୍ଡ ଲାଗିନାହିଁ l ଖାଲି ଏତିକି ନୁହେଁ ଏଠାରେ ଥିବା ସୋଲାର ଟ୍ୟାପ ଅଚଳ ହୋଇ ପଡିଛି l ଏହାର ମରାମତି ପାଇଁ ବାରମ୍ବାର ଅଭିଯୋଗ କଲେ ବି କେହି ଶୁଣୁ ନ ଥିବା ଅଭିଯୋଗ କରିଛନ୍ତି ଅଞ୍ଚଳବାସୀ। ସେପଟେ ଖଡ଼ିଆଳ ବିଡିଓ ସମସ୍ୟାର ସମାଧାନ ଶିଘ୍ର କରାଯିବ ବୋଲି ପ୍ରତିଶୃତି ଦେଇଛନ୍ତି l ସରକାର ଦୁର୍ଗମର ବିକାଶ କଥା କହୁଥିବା ବେଳେ କମ୍ପାନୀଗୁମା ବାସୀଙ୍କ ଜଳ ଯନ୍ତ୍ରଣା କାହାକୁ ଦେଖାଯାଉନି l

ଅଧିକ ପଢ଼ନ୍ତୁ ଓଡିଶା ଖବର: