କେବେ ଗିରଫ ହେବେ ରଙ୍ଗଶାଳାର ମାଷ୍ଟରମାଇଣ୍ଡ ନେତା ଓ ବାବୁ
ବିବାଦରେ ପ୍ରଣବ ବଳବନ୍ତରାୟ , ପ୍ରଭାତ ବଳବନ୍ତରାୟ, ଏଲିନା ଦାସ
ବଲେବଲେ ଢାବାକୁ ନେଇ ବିବାଦରେ ବିଜେଡିର ଏହି ତିନି ହେଭିୱେଟ୍
ସାଧାରଣରେ ଅଭିଯୋଗ , ବଲେବଲେ ଢାବାରେ ଚାଲିଥିଲା ରଙ୍ଗଶାଳା
ସ୍ଥାନୀୟ ଲୋକଙ୍କ ଅଭିଯୋଗ, ରଙ୍ଗଶାଳାରେ ଚାଲିଥିଲା ଖଟିଆ ସେବା
ବଲେବଲେ ଢାବାରେ ଲାଗିଥିଲା ବେଆଇନ୍ ଭାବେ ସରକାରୀ ଟଙ୍କା
ଲୋକଙ୍କ ଅଭିଯୋଗ ଢାବାକୁ ଚଲାଉଥିଲେ ବିଜେଡି ନେତ୍ରୀ ଏଲିନା ଦାସ
ପ୍ରଶାସନର ଲଟକା ଲାଗିବ ପରେ ରାତାରାତି ଉଭାନ୍ ହେଲା ଢାବାର ସାମଗ୍ରୀ
ଢାବାର ସାମଗ୍ରୀ ଖାଲି ପରେ ଧର୍ମଶାଳା ପ୍ରଶାସନ ପକାଇଲା ତାଲା

ଅର୍ଗସ ବ୍ୟୁରୋ: ବିବାଦୀୟ ବଲେବଲେ ଢାବା । ଆଳୁ ଖୋଳୁଖୋଳୁ ବାହାରୁଛି ମହାଦେବ । ଢାବାରେ ଲାଗିଥିଲା ସରକାରୀ ଟଙ୍କା । ଯାହା ଏହି ସରକାରୀ ଦସ୍ତାବିଜ୍ ପ୍ରମାଣ କରୁଛି । ସେପଟେ ଏହି ଘଟଣାକୁ ନେଇ ବିବାଦରେ ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟ ଓ ତାଙ୍କ ଭାଇ ଧର୍ମଶାଳା ବ୍ଲକ ଅଧ୍ୟକ୍ଷ ପ୍ରଭାତ ବଳବନ୍ତରାୟ । ପ୍ରଭାତ ଓ ପ୍ରଣବଙ୍କ ଚାପରେ ସେଠାରେ ବେଆଇନ୍ ଭାବେ ଚାଲିଥିଲା ବଲେବଲେ ଢାବା । ଆଉ ସାଧାରଣ ଲୋକଙ୍କ ଅଭିଯୋଗ, ଢାବାକୁ ଚଳାଉଥିଲେ ଖୋଦ୍ ବିଜେଡିର ଆଗଧାଡିର ନେତ୍ରୀ ଏଲିନା ଦାସ । ଆଉ ଏଲିନା ସବୁବେଳେ ଢାବାକୁ ଆସୁଥିବା କଥା ଅଭିଯୋଗ କରିଛନ୍ତି ଲୋକେ ।

ସେପଟେ ବଲେବଲେ ଢାବାରେ ପ୍ରଶାସନ ଲଟକା ଲଗାଇବା ପରେ ରାତାରାତି ହୋଇଥିଲା ଢାବା ଖାଲି । ଆଉ ଏବେ ବିଡିଓଙ୍କ ନିର୍ଦ୍ଦେଶରେ ବ୍ଲକ କର୍ମଚାରୀ ଢାବାରେ ପକାଇଛନ୍ତି ତାଲା । ତେବେ କେମିତି ଏଠି ବେଆଇନ୍ ଭାବେ ଢାବା ଚାଲିଥିଲା ଏହାର ଉତ୍ତର କିନ୍ତୁ କାହା ପାଖରେ ନାହିଁ । ସମସ୍ତ ଅଧିକାରୀଙ୍କ ଗୋଟିଏ କଥା ବିଡିଓ ସାର୍ ଦେଇପାରିବେ ସବୁ ଉତ୍ତର ।

ସେପଟେ ଧର୍ମଶାଳା ପରି ଯାଜପୁରରେ ଚାଲିଥିବା କୁସୁମାକୁ ନେଇ ମଧ୍ୟ ବଡ ବିବାଦ ଛିଡା ହୋଇଛି । କୁସୁମା ମଧ୍ୟରେ ନିର୍ମାଣ ହୋଇଥିବା ବଙ୍ଗଳାରେ ମଧ୍ୟ ବେଆଇନ୍ ଭାବେ ରଙ୍ଗଶାଳା ଚାଲିଥିବାର ଅଭିଯୋଗ କରିଥିଲେ ସ୍ଥାନୀୟ ଲୋକ । ଖୋଦ୍ ଯାଜପୁରର ପୂର୍ବତନ ବିଧାୟକ ପ୍ରଣବ ପ୍ରକାଶ ଦାସ ଏଠାକୁ ବିଳମ୍ବିତ ରାତିରେ ଆସୁଥିବା କଥା କହିଥିଲେ ସ୍ଥାନୀୟ ବାସିନ୍ଦା । ସେପଟେ କୋଟିକୋଟି ଟଙ୍କାରେ ନିର୍ମାଣ ହୋଇଥିବା ଏହି ବଙ୍ଗଳାର ଖର୍ଚ୍ଚକୁ ନେଇ ମୁହଁ ଖୋଲିନାହାନ୍ତି ସରକାରୀ ବାବୁ । ଧର୍ମଶାଳାର ବଲେବଲେ ଢାବା ଓ ଯାଜପୁରର କୁସୁମାକୁ ନେଇ ବଡ ବିବାଦ । ଏଠି ରାତିରେ ରଙ୍ଗୀନ ହେଉଥିଲେ ବାବୁ ଓ ନେତା । ଆଉ ନିଜର ମଉଜ ପାଇଁ କୋଟିକୋଟି ଟଙ୍କା ଅଜାଡି ଦେଇଥିଲେ ପ୍ରକଳ୍ପ ପାଇଁ । ଯାହାକୁ ନେଇ ଏବେ ତିଆରି ହୋଇଛି ବଡ ବିବାଦ । ଆଉ ପ୍ରଶ୍ନ ବେଆଇନ୍ କାମ କରିଥିବା ଏହି ନେତା ଓ ବାବୁ କେବେ ହେବେ ଗିରଫ ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more