ପୁରୀ: ଶ୍ରୀମନ୍ଦିର ଭିତରେ ଅଘଟଣ । ଶ୍ରୀମନ୍ଦିର କୋଇଲି ବୈକୁଣ୍ଠ ଉପବନରେ ପୁରୀ ମଙ୍ଗଳାଘାଟର ଦୀଲୁ ପଣ୍ଡା ନାମକ ଜଣେ ପରିବା ଯୋଗାଣିଆ ବୁଲାବୁଲି କରିବା ସମୟରେ ଗୋଟିଏ ପୋକା ନଡିଆ ଗଛ ପଡିବାରୁ ତାଙ୍କ ମୁଣ୍ଡରେ ଶକ୍ତ ଆଘାତ ଲାଗିଛି । ଗୋଟିଏ ମାଙ୍କଡ଼ ଗଛରେ ଚଢି ଯିବାରୁ ନଡ଼ିଆ ଗଛଟି ଭାଙ୍ଗି ପଡିଥିବା ଆହତ ଯୋଗାଣିଆ କହିଛନ୍ତି ।  

ମୁଣ୍ଡରୁ ପ୍ରବଳ ରକ୍ତସ୍ରାବ ହେବାରୁ ତାଙ୍କୁ ତୁରନ୍ତ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇ ତାଙ୍କର ଚିକିତ୍ସା କରାଯାଉଛି । ତେବେ ଶ୍ରୀମନ୍ଦିର ଭିତରେ ଆଗକୁ ଭକ୍ତମାନେ ଓ ସେବକମାନେ ଏଭଳି ଅଘଟଣର ଶିକାର ନହେବେ ସେନେଇ ଧ୍ୟାନ ଦେବାକୁ ମନ୍ଦିର ପ୍ରଶାସନକୁ ଅନୁରୋଧ କରାଯାଇଛି । 

ଆହୁରି ପଢନ୍ତୁ ଓଡିଶା ଖବର...