ଅର୍ଗସ ବ୍ୟୁରୋ: ବଢୁଛି କାମିଆ-ଗୋମାଂସ-ଶ୍ରୀମନ୍ଦିର-ପାଣ୍ଡିଆନ ବିବାଦ । ଗୋମାଂସ ଭକ୍ଷଣ କରୁଥିବା ଜଣେ ମହିଳାଙ୍କୁ କାହିଁକି ଶ୍ରୀମନ୍ଦିରଙ୍କୁ ଅଣାଗଲା। ମୁଖ୍ୟମନ୍ତ୍ରୀ ଜଣେ ବିବାଦୀୟ ମହିଳାଙ୍କୁ ମହାପ୍ରସାଦ ପ୍ରଚାର ପାଇଁ ଡାକିଥିଲେ କି ବୋଲି ପ୍ରଶ୍ନ କରିଛନ୍ତି କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ । ମୁଖ୍ୟମନ୍ତ୍ରୀ ସମସ୍ତଙ୍କ ସମ୍ମୁଖରେ କ୍ଷମା ମାଗନ୍ତୁ। ନଚେତ୍ କଂଗ୍ରେସ ଚରମ ପଦକ୍ଷେପ ନେବ ବୋଲି ସେ କହିଛନ୍ତି ।

ମହାପ୍ରସାଦ କୋଟି କୋଟି ହିନ୍ଦୁ ଓ ଜଗନ୍ନାଥ ପ୍ରେମୀଙ୍କ ଆସ୍ଥା ଓ ବିଶ୍ୱାସର ପ୍ରତୀକ । ଏହାକୁ କେହି ପ୍ରଚାର କରିବା ଆବଶ୍ୟକ ନାହିଁ । ପାଣ୍ଡିଆନଙ୍କୁ ଟାର୍ଗେଟ୍ କରି ଲଳିତେନ୍ଦୁ ଲେଖିଛନ୍ତି କୌଣସି ବ୍ୟକ୍ତି ବା ଦଳ ଜଗନ୍ନାଥ ସଂସ୍କୃତିଠାରୁ ଉର୍ଦ୍ଧ୍ୱରେ ନୁହନ୍ତି । କାମିଆ ଗୋମାଂସର ପ୍ରଚାର କରିଛନ୍ତି ନା ନାହିଁ ତାହା ସବୁଠାରୁ ବଡ଼ ପ୍ରଶ୍ନ ? ଏକଥା ଜାଣି ମଧ୍ୟ କେମିତି ଓ କାହିଁକି କାମିଆଙ୍କୁ ପାଣ୍ଡିଆନ୍ ନିମନ୍ତ୍ରଣ କଲେ ? ସେପଟେ ଏହି ପ୍ରସଙ୍ଗରେ ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ ଲେଖିଛନ୍ତି କାମିଆ ଜାନିଙ୍କ ଶ୍ରୀମନ୍ଦିର ପ୍ରବେଶ ଓ ମହାପ୍ରସାଦ ସେବନ କୋଟି ଜଗନ୍ନାଥ ପ୍ରେମୀଙ୍କ ହୃଦୟକୁ କଷ୍ଟ ଦେଇଛି । ଘଟଣାରେ ସମ୍ପୃକ୍ତ ସମସ୍ତଙ୍କୁ ଜଗନ୍ନାଥ ଠିକ୍ ଦଣ୍ଡ ବିଧାନ କରିବେ ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | Odisha Latest News, Breaking News, Trending News, Live TV