ଯାଜପୁର: ଯାଜପୁର ଦଶରଥପୁର ବ୍ଲକ କମାରଡ଼ିହି ପଞ୍ଚାୟତରେ ଅଘଟଣ । ବିଦ୍ୟୁତ ତାର ଛିଡି ପଡିବାରୁ ମହିଳାଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।  ଖବର ଅନୁଯାୟୀ ଆଜି କମାରଡ଼ିହି ପଞ୍ଚାୟତ ଇଟାପଡା ଗ୍ରାମର ୬୬ ବର୍ଷୀୟା ଲକ୍ଷ୍ମୀପ୍ରିୟା ବାରିକ ଆଜି ତାଙ୍କ ଘର ଦାଣ୍ଡ ଝାଡୁ କରୁଥିବା ବେଳେ ତାଙ୍କ ଉପରେ ବିଦ୍ୟୁତ ତାର ଖସି ପଡିଥିଲା । ଫଳରେ ଘଟଣାସ୍ଥଳରେ ଲକ୍ଷ୍ମୀପ୍ରିୟା ବାରିକଙ୍କ ମୃତ୍ୟୁ ହୋଇଥିଲା । 

ଇଟା ପଡା ଗ୍ରାମରେ ବାରମ୍ବାର ଏଭଳି ଦୁର୍ଘଟଣା ଘଟୁ ଥିବା କାରଣରୁ ଗ୍ରାମବାସୀ ଏନେଇ ବିଭାଗୀୟ ଅଧିକାରୀଙ୍କୁ ବିଦ୍ୟୁତ ତାର ବଦଳାଇ କେବୁଲ ଲଗାଇବା ପାଇଁ ବାରମ୍ବାର ଅଭିଯୋଗ କରିଥିଲେ । ହେଲେ ମଧ୍ୟ ବିଭାଗୀୟ ଏସଡିଓ ଏବଂ ବିଭାଗୀୟ ଜେଇ, ଗ୍ରାମବାସୀଙ୍କ ଅଭିଯୋଗକୁ କର୍ଣ୍ଣପାତ କରି ନଥିଲେ । 

ଯେଉଁ କାରଣରୁ ଆଜି ଲକ୍ଷ୍ମୀପ୍ରିୟାଙ୍କ ଜୀବନ ଚାଲିଯାଇଛି ବୋଲି ଅଭିଯୋଗ କରି ଲକ୍ଷ୍ମୀପ୍ରିୟାଙ୍କ ପରିବାରକୁ କ୍ଷତି ପୂରଣ ଦେବା ସହ ଶୀଘ୍ର କେବୁଲ ଲାଇନ ସଂଯୋଗ କରିବାକୁ ଗ୍ରାମବାସୀ ଦାବି କରି ମଙ୍ଗଳପୁର ଥାନାରେ ଲିଖିତ ଅଭିଯୋଗ କରିଛନ୍ତି ।

ଆହୁରି ପଢନ୍ତୁ ଓଡିଶା ଖବର...